Is-sharaǵa Ulttyq Respýblıkalyq kıokýshınkaı-kan karate federasııasynyń Prezıdenti, Parlament Májilisiniń depýtaty Omarhan О́ksikbaev, Ulttyq Respýblıkalyq kıokýshınkaı-kan karate federasııasynyń vıse-prezıdenti Saıranbek Ábilqaıyrov, Ulttyq Respýblıkalyq kıokýshınkaı-kan karate federasııasynyń bas bapkeri Azamat Tákenov qatysty.
2018 jyldyń 15-17 maýsym kúnderi «Dáýlet» sportkombınatynda Astana qalasynyń 20 jyldyq mereıtoıyna oraı kıokýshınkaı-kan karateden balalar, jasóspirimder, kishi jastaǵy qyzdar, erler jáne áıelder arasynda Ashyq Azııa chempıonaty ótedi. Bul chempıonatta kýmıte jáne kata túri boıynsha 12 jastan joǵary sportshylar 37 salmaqta synǵa túsedi.
Qurlyqtyq básekege 12 memleketten 250-ge jýyq sportshy qatysady dep josparlanǵan. Qazirgi tańda chempıonatqa qatysýǵa Iran, Irak, Úndistan Aýǵanstan, Tájikstan, Qyrǵyzstan, Reseı, Japonııa, Monǵolııa, Túrkmenstan memleketterinen ótinimder tústi.
Jyldyń baıraqty básekesinde el namysyn erler arasyndaǵy álem chempıony Alısher Karmenov, 2015 jyldyń Azııa chempıony, álem birinshiliginiń kúmis júldegeri Nıkıta Garas, áıelder arasyndaǵy álem chempıonatynyń kúmis júldegeri Álemgúl Sabyrhan, jastar arasyndaǵy álem chempıonatynyń kúmis júldegeri Madına Saýytova syndy elimizdiń úzdik jas tatamı sheberleri qorǵaıtyn bolady.
