Qazirgi tańda Shveısarııanyń taýly shıpajaılarynda týberkýlez, anemııa men rahıt aýrýyna shaldyqqandardy eshki sútimen emdeýde. AQSh-ta eshki sútin jas nárestelerge berý úshin arnaıy daıyndaıdy. Al bizde she? «Esi ketken eshki jınar, eshki jınap, esin jııar» deıtin qazaq búginde eshki janýarynyń qadirine jete almaı otyrǵan sekildi. Desek te birtindep bolsyn eshkiniń sútin óńdep, óndirýdi qolǵa alyp jatqan azamattar da bar. Máselen, О́skemenniń irgesindegi Glýbokoe aýdanyndaǵy «Aǵaıyn jáne K» sharýa qojalyǵy eshki sútinen jasalǵan irimshikti saýdaǵa shyǵarýdy josparlap otyr. «Biz naryqty zerttep, monıtorıng júrgizý arqyly eshki sútiniń irimshigi suranysqa ıe ekenin anyqtadyq. Árıne onyń baǵasy qymbat, biraq densaýlyqqa óte paıdaly. Halyq qazir eshki ustamaıdy. Sıyr súti 120 teńge bolsa, eshki sútiniń bir lıtri 500 teńge turady. Eshki sútinen jasalǵan irimshiktiń bir kelisi shamamen 3,5-4 myń teńge bolady», deıdi sharýa qojalyǵynyń basshysy Arhat Túrkimbaev.
Isker azamattyń «Eshki sútin qaıta óńdeý jáne irimshik óndirýdi uıymdastyrý» atty jobasy «Bıznestiń jol kartasy-2020» baǵdarlamasy boıynsha grant alýǵa usynylyp maquldanǵan 35 bıznes-ıdeıa men ınnovasııalyq jobalardyń qataryna enipti. Kásipker endi memleketten beriletin 3 mıllıon teńge kólemindegi qarajatqa sútti eshkiler men eshki saýatyn qural-jabdyq satyp alýdy josparlap otyr.
Azamat QASYM,
«Egemen Qazaqstan»
Shyǵys Qazaqstan oblysy,
Glýbokoe aýdany
