Qazaqstan • 13 Maýsym, 2018

Dostyq qatynastardy nyǵaıtý mańyzdy - Elvıra Aıdarhanova

247 retkórsetildi

Qazaqstan Prezıdenti Nursultan Nazarbaevtyń Qytaı Halyq Respýb­lıkasyna mem­lekettik sapary ózekti máselelerdi sheshý turǵysynan alǵanda eki tarap úshin de mańyzdy bolyp otyr. Eki el arasyndaǵy dıalog­tyń utym­dy perspektıvalary­na keler bolsaq, birinshiden, mem­le­ket­­ter basshylary­nyń biryń­ǵaı mál­im­demesinde atalyp ótilgen­deı, álemdik ashyq ekonomıka saıa­satynyń qalyptasýyna jol ashylýy múmkin.

Onyń negizinde tarap­tardyń arasyndaǵy ózara tıimdi saýda baılanystaryn odan ári damytyp, ekonomıkalyq jahandan­dyrý men saýda qatynastaryn lıberaldandyrý, taýar aınalymy júıesin ártaraptandyrý tárizdi maq­sattardy kózdegen mindetter júzege asyrylmaq. 

Elbasy málimdep ótkendeı, bizdiń memleketimiz tek shıkizattyq emes resýrstardan  turatyn jańa balamaly ekonomıka qurýǵa daıyn. Túsine bilgenge, bul – óte tyń másele. Sebebi buǵan deıin eki el arasyndaǵy strategııalyq baı­lanys­tardyń negizi shıkizattyq ónimderge táýeldi bolyp kelgen bolatyn.  

Sonymen qatar kezdesý nátıje­sin­de, júkterdi halyqaralyq temir jol baǵytymen tasymaldaý boıynsha «Qytaı – Qazaqstan – Ortalyq Azııa», «Qytaı – Qazaqstan – Parsy shyǵanaǵy elderi» tárizdi baǵyttardyń nazarǵa alynýy, bu­lar­dyń barlyǵy aınalyp kel­gende, kedendik baqylaýlar tártibiniń jeńildeýine, saýda tasymaldary másele­lerindegi qolaılylyqtarǵa  qol jetkizýge múmkindik beredi. 

Budan bólek, Elbasynyń bul sapary barysynda eki el arasyndaǵy birneshe jyldar boıy qalyptasqan senim men dostyq qatynastarynyń nyǵaıýyna tikeleı yqpal etetin resmı kúshi bar 9 qujatqa qol qoıyldy. Olardyń ishindegi ıadrolyq jáne ıadro­aktıvti materıaldardy nemese olardyń qaldyqtaryn tasy­mal­daý­ǵa bóget qoıý tárizdi qaýipsizdik má­selelerimen qatar, qazaq-qytaı yn­ty­­maq­tastyǵy salasynda óndi­ris­tik qýat­tar men ınvestısııalardy bir­lese óńdeý boıynsha damý me­moran­dýmdary tárizdi qujattar bar. 

Bizdiń memleketimiz Qazaqstan men Qytaı arasyndaǵy «Beldeý men jol» jobasy boıynsha yn­tymaqtastyq nátıjelerin óte joǵary baǵalap otyr. Atalǵan joba Qazaqstannyń jańa eko­no­mıkalyq saıasaty turǵysynan jáne «Jibek Joly ekonomıkalyq bel­deýi» jobasy aıasynan alǵanda da eki el ara­syndaǵy saıası, ekonomıkalyq, kedendik máselelerdi jeńildetip, ózara ynty­maq­tastyqty arttyra túspek.

Elvıra AIDARHANOVA,

QR Prezıdenti janyndaǵy Qazaqstan strategııalyq zertteýler ınstıtýtynyń sarapshysy

Banner
Sońǵy jańalyqtar

Hat qorjyn (23.09.2019)

Qoǵam • Keshe

Qostanaı qysta tońbaıdy

Aımaqtar • Keshe

«Mal da joq, qaıyr da joq»

Qazaqstan • Keshe

Halhyn-gol shaıqasynyń qaharmany

Rýhanııat • Keshe

Aqyn toıyna daıyndyq qalaı?

Rýhanııat • Keshe

Uqsas jańalyqtar