Aǵylshyn tóreshisi Martın Atkınson Reseıdegi álem chempıonatyna velosıpedpen attanbaq.
Atkınson Whistle Stop Tour qaıyrymdylyq jarysyna qatysady. 47 jastaǵy tóreshi Brıstoldan Kalınıngradqa deıingi 2700 shaqyrym jerdi júrip ótedi. «Bul 18 kúnniń qıyn bolatyny anyq. Biraq qaıyrymdylyq úshin men osyǵan daıynmyn», deıdi tóreshi.
2018 jylǵy Álem chempıonatynda brıtanııalyq tóreshiler jumys istemeıtinin atap ótpeske bolmas. Sebebi FIFA alǵash ret 1938 jyldan beri Ulybrıtanııa tóreshilerin álem birinshiligine qosqan joq.
Reıtıngte – birinshi
Reseı tennısshileri Elena Vesnına men Ekaterına Makarova WTA juptar reıtıngi boıynsha kósh bastap tur. «Álem boıynsha birinshimiz! Biz bala kezden armandaǵan uzaq jol boldy. Súıikti isimizde birinshi bolý – úlken abyroı jáne baqyt. Bizdiń komandamyzǵa, jattyqtyrýshylarǵa, ata-analarǵa, jankúıerlerimizge qoldaý men senimi úshin alǵys aıtamyz», deıdi Vesnına.
Keısı – «Detroıttyń» bas bapkeri
Dýeın Keısı «Detroıt Pıstons» basketbol klýbynyń bas bapkeri boldy. Kelisimshart 5 jylǵa jasaldy. Dýeın osyǵan deıin «Toronto Reptorsty» jattyqtyrǵan bolatyn. Kanadalyq klýbpen birge Shyǵys konferensııasynyń týrnırlik kestesinde birinshi oryndy ıemdengen. Mamyr aıynda «Detroıt» komandasynyń bas bapkeri Sten van Gandıdi qyzmetinen bosatqan edi.
Daıyndaǵan Yrysty QADIRBEK,
L.N.Gýmılev atyndaǵy EUÝ stýdenti
