Kórmeniń ashylý saltanatyna ekonomıkalyq reforma jáne óńirlik damý komıtetiniń múshesi Rahymjanov Ámirhan Muratbekuly kelip qatysty. «Koreı halqynyń keskindeme kórmesiniń ashylýy Elbasy kitaphanasy úshin aıtýly oqıǵalardyń biri bolyp tabylady. О́ıtkeni búgingi shara 26-shy jyldyq tarıhy bar Qazaqstan men Koreıa Respýblıkasy qarym-qatynastary óte joǵary deńgeıde ekenin taǵy bir ret dáleldeıdi. Sonymen qatar, Qazaqstan tarıhı departasııa kezinde qonys aýdarǵan koreı tekti azamattar qoǵamynyń ajyramas bóligi retinde elimizdiń damýyna ózindik úlesterin qosýda. Oǵan qosa, sonaý qıyn jyldarda taǵdyr tálkegine tap bolǵan kezinde qol ushyn berip, qońaqjaılyq tanytqan qazaq ultyna alǵystaryn bildirýde» dep Á.Rahymjanov «Mınhva» sýret sheberlerine «Garmonııa» atty qol sýretti syılap, saltanatty sharany bastady. Sharanyń ashylý saltanatynyń tusaýyn kesken koreı halqynyń eń úzdik sýretshileriniń biri atanǵan Iý Sýan-dok, Mı Bong-Djı jáne O Son-a kesti.
Is-shara kitaphananyń «Mádenıet arqyly únqatysý» halyqaralyq kórme jobasy aıasynda Qazaqstan Respýblıkasynyń Koreı Respýblıkasy elshiliginiń Koreı mádenıet ortalyǵy men «Mınhva» koreı halyq keskindemesi mýzeıiniń qoldaýymen uıymdastyryldy.
Koreı órkenıetiniń kez kelgen salasy eń tanymal álem mádenıetteriniń birine jatady. «Mınhva» keskindemesi de bul sanatta. Onyń sebebi koreı halqynyń ózindik tarıhy men salt-dástúrine negizdelip otyr. «Mınhva» sózi koreı tilinde «halyq keskindemesi» degen uǵymdy bildiredi. Dástúrli koreı óneriniń bul baǵyty XVI-XVII ǵasyrlardaǵy áleýmettik – saıası tarıhpen tyǵyz baılanysty. Ol Choson álýeti bıliginiń sońǵy kezeńinde, koreı qoǵamy úlken ózgeristerge ushyraǵan kezde paıda boldy. Nátıjesinde keskindeme buıymdarynyń patsha saraıyna tán áshekeı retinde sanalýy toqtady. Áleýmettik toptardyń jiktelýimen óner týyndylaryna degen suranys ta ósti.
«Mınhva» koreı halyq keskindemesiniń mýzeıi - qazirgi koreı óner shyǵarmashylyǵynyń atalmysh baǵytyn saqtaý jáne dáripteý ortalyǵy. Kórmege AQSh, Fransııa, Japonııa, Úndistan, Mońǵolııa, Koreıa sýretshileriniń ataqty týyndylary qoıylǵan. Iý Sýan-dok, Mı Bong-Djı jáne O Son-a «Mınhva» sheberleri retinde moıyndalǵan. Ár avtor óz eńbegin «Mereke», «Jańǵyryq», «Tabıǵat mezgili» taqyryptarynda usyndy. Sýretshiler ózderiniń ár bir sýretinde koreı halqynyń ulttyq nyshany jyrtqysh jolbarys pen qadir tutatyn saýysqandy beınelegen. Bul jumystar «Mınhva» keskindemesiniń jańǵyrýy», «Mınhva túsindirme keskindemesi», «Qoldanbaly ónerdegi «Mınhva» keskindemsiniń úsh baǵyty boıynsha oryndaldy.
Sondaı-aq kórmede usynylǵan 57 jumystyń qataryna kartınalar, músin kompozısııalary, ydystar men jıhazdar syndy turmystyq zattar bar.
Mırajan MAHAN,
L.N.Gýmılev atyndaǵy EUÝ 1-kýrs stýdenti
