Sharaǵa Eńbek jáne halyqty áleýmettik qorǵaý vıse-mınıstri Nurjan Áltaev, Eńbek jáne áleýmettik áriptestik departamentiniń dırektory Núrken Tileýov, Kásipodaqtar federasııasy tóraǵasynyń orynbasary Erlan Saırov, «BI Holding» JShS Basqarma tóraǵasynyń qarjy jónindegi orynbasary Qaırat Shaıahmetov qatysty.
«Búgingi tańda EEB portalynda 35 myńǵa jýyq bos jumys orny, sondaı-aq jumys berýshilerden, jumyspen qamtý ortalyǵynan, jeke agenttikterden jáne jumys izdeýshilerden 70 myńǵa jýyq túıindeme ornalastyryldy. Elektrondy eńbek bırjasynyń qyzmetine 41 myń jumys berýshi, 133 myń jumys izdeýshi júgingen. EEB arqyly 112 myń jumys izdeýshi jumysqa tartyldy.
2018 jyldyń qańtar-mamyr aılary aralyǵynda Elektrondy eńbek bırjasyna jeke jumyspen qamtý agenttigimen 5 398 bos jumys orny ornalastyryldy. EEB portalyndaǵy «keri baılanys tártibi» bóliminde árbir azamat tehnıkalyq máseleler boıynsha tıisti mamandarmen baılanysyp, ózderine qajetti aqparattardy ala alady. О́tken jyldyń bir aıynda portalǵa kirýshiler sany 141,4 myńnan asyp jyǵylsa, bir aıda qaraý sany 2,5 mln-ǵa jetti», dedi ol.
Sondaı-aq, vıse-mınıstr 2008 jyldan beri Eńbek jáne halyqty áleýmettik qorǵaý mınıstrligi jyl saıyn ótkizip kele jatqan «Paryz» syılyǵy jaıyna keńirek toqtaldy. N.Áltaevtyń aıtýynsha, bul tek aıtýly marapat qana emes, sondaı-aq bıznestiń áleýmettik jaýapkershiligi baǵdarlamasy men josparyn oıdaǵydaı iske asyrý úshin taptyrmas múmkindik. Konkýrsty júrgizý barysynda 4,5 myńǵa jýyq shaǵyn kásiporyn, orta jáne iri bıznes ókilderi qatysýǵa nıet bildirgen.
Raýan QAIDAR,
«Egemen Qazaqstan»
