Is-sharaǵa Ulttyq respýblıkalyq kıokýshınkaı-kan karate federasııasynyń prezıdenti, Parlament Májilisiniń depýtaty Omarhan О́ksikbaev, atalǵan federasııanyń vıse-prezıdenti Saıranbek Ábilqaıyrov, bas bapkeri Azamat Tákenov qatysty.
«2018 jylǵy 15-17 maýsym kúnderi «Dáýlet» sport kesheninde, Astana qalasynyń 20 jyldyq mereıtoıyna oraı kıokýshınkaı-kan karateden balalar, jasóspirimder, kishi jastaǵy qyzdar, erler jáne áıelder arasynda Ashyq Azııa chempıonaty ótedi. Bul chempıonatta kýmıte jáne kata túri boıynsha 12 jastan joǵary sportshylar 37 salmaqta synǵa túsedi. Qurlyqtyq básekege 12 memleketten 250-ge jýyq sportshy qatysady dep josparlanǵan. Qazirgi tańda chempıonatqa qatysýǵa Iran, Irak, Úndistan, Aýǵanstan, Tájikstan, Qyrǵyzstan, Reseı, Japonııa, Mońǵolııa, Túrikmenstan memleketterinen ótinimder tústi», dedi Omarhan О́ksikbaev.
Jyldyń baıraqty básekesinde el namysyn erler arasyndaǵy álem chempıo-
ny Álisher Karmenov, 2015 jyldyń Azııa chempıony, álem birinshiliginiń kúmis júldegeri Nıkıta Garas, áıelder arasyndaǵy álem chempıonatynyń kúmis júldegeri Álemgúl Sabyrhan, jastar arasyndaǵy álem chempıonatynyń kúmis júldegeri Madına Saýytova syndy elimizdiń úzdik jas tatamı sheberleri qorǵaıtyn bolady.
Raýan QAIDAR,
«Egemen Qazaqstan»
