Memorandýmǵa sáıkes, Qostanaı oblysynyń ákimdigi shıkizattyq bazanyń, jer resýrstarynyń, ınfraqurylymmen qamtamasyz etilý jáne t.b. tárizdi krıterıılerdi eskere otyryp ınvestısııalar salýdy talap etetin basty jobalar tizimin jasaıdy. Kazakh Invest óz kezeginde jobalardy júzege asyrý úshin áleýetti ınvestorlardy izdeýmen jáne tartýmen aınalysady.
Taraptar ınvestorlardyń ótinishterin jyldam qarastyrý, olarǵa qoldaý kórsetý jáne «bir tereze» qaǵıdasy boıynsha qyzmetter kórsetý, ınvestısııalyq jobalarǵa birlesken monıtorıng júrgizý jáne IRM (Investors Relationship Management) aqparattyq-monıtorıngtik júıesine kelip túsetin ınvestorlardyń suraqtaryn sheshý týraly kelisimge keldi.
Budan ózge, Astanadaǵy jumys keńesi barysynda sheteldik ınvestorlar qatysatyn jobalar jandandyrylǵan.
Atalmysh kezeńdegi Qostanaı oblysynyń ınvestısııalyq jobalary tizimi jalpy somasy 146,1 mlrd teńge bolatyn 21 ınvestısııalyq jobadan turady, olardyń ishinde 80% astamy — sheteldik ınvestısııalar.
«Biz 60-qa jýyq jańa ınvestorlardy anyqtadyq, endi atalǵan jobalardy ornalastyrý, jaıǵastyrý úshin oblys ákimdikterimen belsendi jumysty bastaımyz», — dep atap ótti Kazakh Invest basshysy Saparbek Tuıaqbaev.
S. Tuıaqbaevtyń aıtýynsha, Qostanaı oblysynda ınvestorlar úshin qolaıly jaǵdaılar jasalynǵan, Kazakh Invest barlyq suraqtar boıynsha qoldaý kórsetedi. Qazirdiń ózinde óńirlik jobalar boıynsha naqty sheteldik ınvestorlarmen kelissózder júrgizý týraly kelisimderge qol jetkizilgen. Jyl basynan beri Kazakh Invest ókilderi ınvestısııa salý úshin neǵurlym tartymdy 11 eldiń iri kompanııalarymen kelissózder júrgizedi.
«Biz Qostanaı oblysy aýmaǵynda iri zákirlik jobalardy júzege asyrý úshin Kazakh Invest-pen birge yntymaqtasa jumys atqaramyz. Qazirgi tańda óńirde 400 ga ındýstrıaldyq aımaqtyń qurylysy salynýda. Eń alǵashqylardyń biri bolyp ınvestısııasynyń jalpy kólemi $1,1 mlrd quraıtyn SMS qytaı kompanııasy jáne «Allıýr kompanııalar toby» avtomobıl klasterin damytý boıynsha jobasy ornalasatyn bolady. Bul týraly kelisimge Elbasymyzdyń jýyrdaǵy Qytaıǵa sapary barysynda qol jetkizildi», — dep atap ótti Qostanaı oblysynyń ákimi Arhımed Muhambetov.
Aıta ketý kerek, Qostanaı oblysynyń ákimdigi óńirdiń ınvestısııalyq jobalary men aýmaqtary, sondaı-aq qoljetimdi ınfraqurylymnyń jáne paıdaly qazbalar týraly aqparattan turatyn ınteraktıvti ınvestısııalyq karta engizdi. Kartadaǵy barlyq aqparat qazaq, orys jáne aǵylshyn tilderinde saıtta qol jetimdi. О́ńirde qoldaý kórsetýge jáne áleýetti ınvestorlardyń óńirdegi problemalyq máselelerin jáne júıelik kedergilerdi qarastyrýǵa arnalǵan Investorlardy tartý boıynsha keńes qyzmet atqarady.
