9 qańtar – Reseı prezıdenti Vladımır Pýtın Astanaǵa resmı saparmen keldi. Osy saparda eki el basshylary Baıqońyr ǵarysh aılaǵyn paıdalaný merzimin 2050 jylǵa deıin uzartý týraly kelisimge qol qoıdy.
13 qańtar – Elbasynyń nusqaýymen táýelsiz Qazaqstannyń tarıhyndaǵy asa mańyzdy qujat «Mádenı mura» memlekettik baǵdarlamasy qabyldandy. Qujatta qarastyrylǵan sharalardy júzege asyrý úshin el bıýdjetinen 3 mıllıon 948 myń teńge bólindi.
1 aqpan – Memleket basshysy Astana qalasyndaǵy Ǵylmanı atyndaǵy ortalyq meshitinde bolyp, musylman jamaǵatyn Oraza aıt meıramymen quttyqtady.
5 aqpan – Astana qalasynda Ulybrıtanııa elshiligi ashyldy. Atalmysh sharaǵa kelgen Ulybrıtanııa jáne Soltústik Irlandııa qurama koroldiginiń syrtqy ister mınıstri Dj.Strony Elbasy Nursultan Nazarbaev qabyldady.
2 naýryz – Memleket basshysy kóp balaly analardy «Altyn alqa» jáne «Kúmis alqa» belgilerimen nagradtaý týraly Jarlyqqa qol qoıdy.
22 naýryz – Elbasy elordada ótken Ulystyń uly kúni – Naýryz meıramyna qatysyp, qala turǵyndarymen emen-jarqyn áńgimelesip, kópshilikti merekemen quttyqtady.
6 sáýir – japondyqtar jalpy quny 3,5 mln dollar turatyn 23 jedel járdem kóligin Astana qalalyq «Jedel járdem» stansasyna tartý etti.
21 sáýir – Astana temir jol vokzalynan «Astana – Almaty» baǵytynda qatynaıtyn «Tulpar» jolaýshylar júrdek poıyzy alǵashqy saparǵa attandy. Ispanııada jasalǵan bul poıyz eki qala arasyn 13 saǵatta júrip ótedi.
19 mamyr – Birinshi «Kóktal» turǵyn alabynda jańadan qazaq orta mektebi ashylyp, oǵan áıgili ǵalym Álkeı Marǵulan esimi berildi.
28 mamyr – Shyǵys Qazaqstan oblysynda elimizdiń 15 mıllıonynshy turǵyny dúnıege keldi. Onyń esimi – Perızat Ýskembaeva.
8 maýsym – Astana qalasynda AQSh elshiligi ǵımaratynyń irgetasyn qalaý rásimi ótti.
10 maýsym – Astanadaǵy iri rýhanı ortalyq Qazaqstan Respýblıkasynyń Ulttyq akademııalyq kitaphanasy saltanatty túrde ashyldy. Bul sharaǵa Elbasy N.Nazarbaev pen Máskeý meri Iý.M.Lýjkov qatysty.
18 maýsym – L.N.Gýmılev atyndaǵy Eýrazııa ulttyq ýnıversıtetinde «Eýrazııalyq yqpaldastyq: osy zamanǵy damý úrdisteri jáne jahandaný synaqtary» degen taqyrypta halyqaralyq forým ótti.
8 shilde – Elbasy jumys saparymen Aqmola oblysynda bolyp, «Býrabaı» kýrortty aımaǵyndaǵy 37 metrlik Abylaı han stellasynyń ashylý saltanatyna qatysty.
7 qyrkúıek – Astanada Qazaqstan áıelderiniń IV forýmy ótti. Forýmda sóz sóılegen Elbasy N.Nazarbaev eldegi genderlik ahýaldy jaqsartý maqsatynda jedel túrde memlekettik baǵdarlama qabyldap, ony kelesi 2005 jyldan bastap júzege asyrýdy tapsyrdy.
8 qazan – Astana qalasynda alǵash ret «Eksponedvıjımost-2004» otandyq kórmesi ótti.
16 jeltoqsan – Memleket basshysy Esil ózeniniń sol jaq jaǵalaýynda qurylysy júrip jatqan Joǵarǵy sot, Parlament Senaty men Májilisiniń ǵımarattaryn aralap kórdi. Elbasy jumys qarqynyna oń baǵa berip, bul nysandar Qazaqstan jańarýynyń sımvoly bolashaqta bul arada birikken basqarý hám atqarý ortalyǵy paıda bolatyny jaıly atap ótti.
24 jeltoqsan – jumysy úsh jyl buryn bastalǵan Qazaqstan Respýblıkasy Prezıdentiniń rezıdensııasy «Aqorda» saltanatty túrde ashyldy. Nysandy jobalaýshy sáýletshi-dızaınerler M.Gýalası men A.Moltenı. Ǵımarattyń jalpy aýdany 36 720 sharshy metr. Tóbesimen qosa alǵandaǵy bıiktigi – 80 metr.
26 jeltoqsan – Astana qalasynda «Sýasty álemi» muz qalashyǵy ashyldy.
Daıyndaǵan Beken QAIRATULY,
«Egemen Qazaqstan»
