15 qańtar – Qazaqstan Respýblıkasy Parlament Májilisi men máslıhat depýtattarynyń saılaýy ótti. Parlament Májilisiniń saılaýynda «Nur Otan» HDP 81 prosent daýys jınap, jeńiske jetti.
27 qańtar – Elbasy Nursultan Nazarbaev el halqyna arnaǵan «Áleýmettik-ekonomıkalyq jańǵyrtý – Qazaqstan damýynyń basty baǵyty» atty Joldaýyn jarııalady.
19 naýryz – Máskeýde Elbasy Nursultan Nazarbaevtyń qatysýymen EýrAzEq Memleketaralyq keńesi jáne Eýrazııalyq Joǵary ekonomıkalyq keńesi memleketter basshylary deńgeıindegi otyrysy ótti.
15 sáýir – «Astana qurdastary» atty baıqaý 11-shi ret ótip, oǵan irikteý synynan súrinbegen 16 oqýshy qatysyp, baǵyn synady.
18 sáýir – Astana tórinde qazaq opera óneriniń negizin salýshy, KSRO halyq ártisi K. Baıseıitovanyń 100 jyldyq mereıtoıy atalyp ótti.
18 mamyr – Kongres-hollda jas oryndaýshylardyń «Jas qanat» respýblıkalyq baıqaýy uıymdastyrylyp, aqtóbelik jas ánshi Dımash Qudaıbergen bas júldeni jeńip aldy.
23 mamyr – Táýelsizdik saraıynda Elbasy N.Nazarbaevtyń qatysýymen V Astana ekonomıkalyq forýmy bastaldy. Oǵan dúnıe júziniń 90 elinen 8 myńǵa jýyq adam kelip qatysty. Mańyzdy jıyn kezinde jahandyq deńgeıdegi máseleler talqylanǵan 55 is-shara ótkizildi.
22 mamyr – Astanada Memleket basshysy Nursultan Nazarbaevtyń tóraǵalyq etýimen Prezıdent janyndaǵy Shetel ınvestorlary keńesiniń 25-shi plenarlyq otyrysy bolyp ótti. Ol «Qazaqstan – halyqaralyq saýda, logıstıka, iskerlik jáne qarjylyq haby» degen taqyrypqa arnaldy.
24 mamyr – «Astana ınvest-2012» III halyqaralyq ınvestısııalyq forýmynda otandyq jáne sheteldik korporasııalardyń 700-ge tarta ókili Astanany iskerlik ortalyqqa aınaldyrý máselesin talqylady.
30 mamyr – Beıbitshilik jáne kelisim saraıynda Álemdik jáne dástúrli dinder kóshbasshylarynyń IV quryltaıy bastaldy. Oǵan álemniń 40 elinen 87 ókil keldi.
1 maýsym – elordadaǵy Respýblıka dańǵyly men Abaı kóshesiniń qıylysynda 1932-1933 jyldardaǵy asharshylyq qurbandaryna arnalǵan «Qasiret keregesi» atty jańa monýment turǵyzyldy. Onyń aýmaǵy – 0,175 gektar, bıiktigi – 4,4 metr.
15 maýsym – bas qalada túrki halyqtarynyń «Dala balasyz, bala oıynsyz qalmasyn» atty II Halyqaralyq ulttyq balalar oıyndarynyń festıvali bastaldy. Qatysýshylar kúlli túrkitektesterge ortaq oıyn: «Asyq», «Shildik», «Bestas», «Jetitas», «Toǵyztas», «Ortaǵa túspek», t.b. oıyn túrleri boıynsha saıysty.
20 maýsym – elordada túrkitildes memleketterdiń dástúrli oryndaýshylary qatysqan óner festıvali ashyldy.
22 maýsym – Astana ákimi I.Tasmaǵambetov UBT-nyń qorytyndysy boıynsha úzdik shyqqan 75 jas túlekke «Altyn belgi» tabys etti.
6 shilde – Memleket basshysynyń tapsyrmasymen «Áziret Sultan» meshiti ashyldy. Záýlim ǵımaratta bir mezgilde 5 myń adam namaz oqı alady. Alyp ǵımarattyń jalpy aýmaǵy – 17 700 sharshy metr, 130 adam syıatyn 5 dárishanasy bar. Vestıbıýl kúmbeziniń dıametri – 15,2, bıiktigi – 51, dıametri – 28 metr. Tórt munara bar. Olardyń árqaısysynyń bıiktigi – 77 metr.
12 qazan – Eýrazııalyq Medıa forýmnyń kezekti jıyny alǵash ret elordadaǵy «Qazmedıa» teleradıokesheni ǵımaratynda uıymdastyryldy.
18 qazan – Astanada I Búkilálemdik rýhanı kelisim kongresiniń 20 jyldyq mereıtoıyna arnalǵan ǵylymı-tájirıbelik konferensııa ótkizdi.
23 qarasha – EKSPO-2017 halyqaralyq mamandandyrylǵan kórmesin ótkizý úshin Parıjde Halyqaralyq kórmeler bıýrosy Bas Assambleıasynyń 152-shi quryltaıynda Astana qalasy synǵa tústi. Daýys berýge qatysqan 161 memlekettiń 103-i qoldap, nátıjesinde kórme bas qalamyzda ótetini belgili boldy.
1 jeltoqsan – Qazaqstan tarıhynyń kúntizbesine taǵy bir jańa mereke qosyldy. Ol «Tuńǵysh Prezıdenti kúni» dep ataldy.
6 jeltoqsan – Astana arnaıy ekonomıkalyq aımaǵynda elektrovoz qurastyratyn zaýyt ashylyp, KZ8A serııaly alǵashqy elektrovozdyń tusaýy kesildi.
26 jeltoqsan – Astanada kún batareıalaryn shyǵaratyn zaýyt paıdalanýǵa berildi.
Daıyndaǵan Beken QAIRATULY,
«Egemen Qazaqstan»
