Nursultan Nazarbaev oıyn zalyn, kúres zaly men jattyǵý bólmelerin aralap kórip, sportshylarmen jáne bapkerler quramymen áńgimelesti.
– О́zderińizdiń tabandylyqtaryńyz ben erik-jigerlerińizdiń arqasynda elimizdiń dańqyn asqaqtatyp júrsizder. Men sizderdiń eńbekterińiz ben órshil qasıetterińizge tántimin. Sizder barsha jurtqa laıyqty úlgi kórsetip kelesizder, – dedi Qazaqstan Prezıdenti.
Nysandy aralap kórý barysynda Memleket basshysy XII qysqy paralımpııa oıyndarynyń chempıony Aleksandr Kolıadınge sporttaǵy jetistigi úshin estelikke syılyq tartý etti.
Sonymen qatar, sporttyq nysannyń ashylý rásiminde Azııa Paralımpııalyq komıtetiniń prezıdenti Madjıd Rashed Nursultan Nazarbaevqa osy uıymnyń Qurmet Ordenin tapsyrdy.
M.Rashed bul syılyq Qazaqstan Prezıdentiniń elimizdegi paralımpııalyq qozǵalysqa qosqan zor úlesin, sondaı-aq Elbasynyń erekshe muqtaj adamdardy áleýmettik qorǵaý jáne barlyq azamattar úshin birdeı múmkindikterdi qamtamasyz etý arqyly turaqty qoldaý kórsetýin moıyndaýdyń belgisi ekenin atap ótti.
