«Memlekettilikti nyǵaıtý, eldiń áleýmettik-ekonomıkalyq joǵarylaýy, onyń bedeliniń kún ótken saıyn artýy Sizdiń kóshbasshylyǵyńyzdyń, dana da kóregen saıasatyńyzdyń nátıjesinde múmkin boldy.
Sizdiń elderimizdiń arasyndaǵy qarym-qatynasty damytý men nyǵaıtýǵa qosqan úlesińiz ólsheýsiz. Strategııalyq sıpatqa ıe Ázerbaıjan-Qazaqstan dostyǵy men yntymaqtastyǵy aldaǵy ýaqytta da bizdiń halyqtarymyzdyń múddesine qyzmet etetinine senimdimin», delingen jedelhatta.
* * *
Ýkraına Prezıdenti Petr Poroshenko Nursultan Nazarbaevqa densaýlyq, kúsh-jiger men jańa jetistikter, al Qazaqstan halqyna ósip-órkendeý tileıdi.
«Ýkraına men Qazaqstan arasyndaǵy dostyq jáne áriptestik qarym-qatynastar, sondaı-aq bizdiń azamattarymyzdyń arasyndaǵy izgi nıetti baılanystar eki eldiń ári qaraı da ósip-órkendeýi men ózara tıimdi yntymaqtastyǵyna negiz bolady», delingen jedelhatta.
* * *
Armenııa Respýblıkasynyń Premer-mınıstri Nıkol Pashınıan óziniń quttyqtaýynda dostyq qarym-qatynas pen ózara qurmet arnasyndaǵy birlesken kúsh-jiger Armenııa-Qazaqstan qarym-qatynasyn óristetýge oń yqpal etetinine senim bildiredi.
«Sizdiń Memleket basshysy laýazymyndaǵy ekonomıkany damytý men Qazaqstannyń halyqaralyq arenadaǵy bedelin nyǵaıtýǵa baǵyttalǵan qyzmetińiz О́zińiz júrgizip kele jatqan ornyqty baǵdar nátıjesinde memlekettik qurylys turǵysynan ózindik qoltańbańyzdy aıshyqtaıdy», delingen jedelhatta.
* * *
Máskeý men Búkil Reseı Patrıarhy Kırıll óziniń quttyqtaý hatynda Memleket basshysynyń basshylyǵymen júzege asyrylyp, Qazaqstannyń ósip-órkendeýine baǵyttalǵan birqatar aıtýly áleýmettik jáne ekonomıkalyq jobalardy atap ótedi.
«Kóp jyl boıy Qazaqstannyń kóshbasshysy bola otyryp, Siz ózińizdi sol jyldar bederinde salmaqty da dáıekti sheshim qabyldaıtyn talantty basshy retinde kórsettińiz. Sizdiń bastamalaryńyzdyń tabystylyǵyna búginde Respýblıkanyń ıgiligine aınalǵan berik dinaralyq kelisim men ultaralyq túsinistik qyzmet etip otyr», delingen jedelhatta.
