KÚN SAIYN KÚTPEGEN NÁTIJE

Jarystyń tórtinshi kúninen keıin komandalyq esepte Shveı­sarııa quramasy jeke-dara kósh bas­tady. Olardyń enshisinde úsh altyn medal bar. Eki altyn, eki kúmis jáne tórt qolany oljala­ǵan AQSh ekinshi tuǵyrǵa taban tirep tur. Ońtústik Koreıa eki altyn jáne bir kúmis­pen úshinshi orynǵa shyqsa, Fransııa altyn men qolany qos-qos­tan ıelenip, úshinshi jáne tór­tinshi satylardy ózara bólisýde. Atalmysh elderden bólek, Ger­manııa, Kanada, Qytaı, Chehııa, Gollandııa, Slovakııa jáne Shve­sııa­nyń ánurandary Van­kýver kógin­de shyrqalǵanyn aıta ketý abzal. Al maqtaýly Reseıdiń ázirge joly bolmaı tur. Olar bir ǵana qola medalǵa ıelik etip, jalpy esepte 18-orynnan qarań­dap kórinedi. Kanadanyń Vankýver qalasyn­da alaýy tutanǵan HHI qysqy Olımpııa oıyndary óte tartysty ótip jatyr. Keı jaǵdaıda ataqty sportshylardyń ózderi kútpegen jerde tuǵyrdan taıyp, jalyndy jastarǵa oryn bosatýda. Máselen, keshe juptasyp óner kórsetýde Reseıdiń mánerlep syrǵanaýshy­lary júldesiz qaldy. Biletin­derdiń aıtýynsha, orystar alǵash ret 1964 jylǵy Olımpıadada olja salǵan. Sodan beri ýaqytta altyn tuǵyrdy bosatqan emes. Vankýverde Reseıdiń úsh birdeı juby óner kórsetti. Solardyń arasyndaǵy eń myqtysy Iýko Kavagýtı men Aleksandr Smırnov edi. Alaıda syn saǵatta olardyń júıkesi syr berdi. Ekeýi alma- kezek súrinip, júldegerler qa­tary­na qosylý múmkindiginen aıyryldy. Reseıdiń ózge máner­lep syrǵanaýshylarynan esh qaıyr bolmady. Al bul saıysta Qytaı sportshylarynyń mereı­leri ústem boldy. Shen Sıýe men Chjao Hýnbo altynnan alqa taǵynsa, Pan Sın men Týn Sıan kúmiske qol jetkizdi. Germanııa­nyń syrǵanaýshylary Alena Savchenko men Robın Sholkovy úshinshi tuǵyrǵa taban tiredi. Keshe Shveısarııa quramasy eki altynǵa qol jetkizdi. 15 shaqy­rymdyq jolǵa shyqqan shańǵyshy Darıo Kolonıa shashasyna shań juq­tyrmasa, taý shańǵysynan ót­ken jarysta Dıde Defagonyń baǵy jandy. Snoýbordıngte amerı­kalyq Set Ýeskot aldyna jan sal­­ma­dy. Shańǵydan áıelder arasyn­daǵy 10 shaqyrymdyq báse­kede shvesııalyq Sharlotta Kalla qarsylastaryn shaq keltir­medi. Al konkıshiler (500 metr) básekesinde júldeli oryndardyń barlyǵyna sary qurlyq ókilderi jaıǵasty. Anyqtap aıtsaq, bas júldeni Ońtústik Koreıanyń oǵylany Mo Taı Bým oljalasa, Japonııanyń ulttyq qurama komandasy músheleri Neıtıro Nagasımo men Dzodzı Kato qalǵan eki satyǵa taban tiredi. Osy kúni Qazaqstannyń bir­qatar sportshylary da jarys jolyna shyqty. Solardyń ara­syn­da eń úzdik nátıje kórsetken shań­ǵy­shy­lar – Svetlana Ma­laho­va men Alekseı Poltora­nın. Al­ǵash­qysy ozyq ondyqqa kirse, soń­ǵysy 14-oryndy ıelen­di. Al Nıko­laı Che­batko, Sergeı Chere­panov, Evgenıı Velıchko, Elena Kolomına, Tatıana Roshına jáne Oksana Iаskaıa syndy beldi sport­shy­lary­myz senim údesinen shyǵa alǵan joq. Shańǵydan jarys aıaqtalǵan soń konkıshiler sap túzedi. 500 metrlik qashyqtyqta qazaqstandyq Roman Krech óner kórsetti. Jas óren qan­sha jalyndaǵanymen, alpaýyt elderdiń ataqty sport­shylaryna esh qarsylyq kórsete alǵan joq. Tipten, olardyń shańyna ilese al­maı qaldy desek, eshkim aıypqa buıyrmas. Krech qorytyndy esepte 34-oryn aldy. Jarystyń tórtinshi kúninen keıin komandalyq esepte Shveı­sarııa quramasy jeke-dara kósh bas­tady. Olardyń enshisinde úsh altyn medal bar. Eki altyn, eki kúmis jáne tórt qolany oljala­ǵan AQSh ekinshi tuǵyrǵa taban tirep tur. Ońtústik Koreıa eki altyn jáne bir kúmis­pen úshinshi orynǵa shyqsa, Fransııa altyn men qolany qos-qos­tan ıelenip, úshinshi jáne tór­tinshi satylardy ózara bólisýde. Atalmysh elderden bólek, Ger­manııa, Kanada, Qytaı, Chehııa, Gollandııa, Slovakııa jáne Shve­sııa­nyń ánurandary Van­kýver kógin­de shyrqalǵanyn aıta ketý abzal. Al maqtaýly Reseıdiń ázirge joly bolmaı tur. Olar bir ǵana qola medalǵa ıelik etip, jalpy esepte 18-orynnan qarań­dap kórinedi Ǵalym SÚLEIMEN, arnaıy “Egemen Qazaqstan” úshin ­­- Vankýverden.