- Búgingi kúni Qazaqstanǵa ıslam qarjysyn tartýǵa qyzýǵyshylyq tanytyp otyrǵan kompanııalar bar. Atap aıtqanda, BAÁ-nen jáne ıslamdyq sýkýk shyǵarý boıynsha usynys bar. Mysaly, buǵan deıin memlekettik sýkýk shyǵarý týral kóp aıtyldy. Biraq ony shyǵarý úshin qarjy ortalyǵy qurylǵanǵa deıin azamattyq kodeks negizinde jumys isteý prosessi óte uzaq boldy. Ár qadamǵa arnaıy zań shyǵarý kerek. Al Astana qarjy ortalyǵy aǵylshyn quqyǵy boıynsha jumys isteıdikten, bul prosesster áldeqaıda jeńildeı tústi. Ekinshiden, Qazaqstannyń korporatıvtik quqyqtary nemese memlekettik sýkýk shyǵarý buǵan deıin shetelde júzege asyrylyp keldi. Qazaqstan damý bankiniń sýkýkgin Malaızııada shyǵardy. Nege deseńiz, ınvestorlar sol jaqta boldy. Investorlar túsinikti zańnama bar jerde jumys isteıdi, túsinikti zańnama men túsinikti bırjada shyǵarý mańyzdy. Birikken Arab Ámirlikteri arab elderine baǵyttalǵan bolsa, sol jaqqa baryp shyǵarý kerek boldy. Eýropanyń naryǵyna shyǵarý kerek bolsa, Eýropa elderine baryp shyǵarý kerek-tin. Endi osynyń bári Astana halyqaralyq qarjy ortalyǵynda shyrylady. Qazaqstanǵa kelip sýkýk satyp alamyn degen ınvestorlarǵa eshqandaı kedergi joq.
Arnur ASQAR,
«Egemen Qazaqstan»
