- Elordamyzdy Saryarqa tórine kóshirý týraly qabyldanǵan sheshimnen bastap, bas qalanyń qalyptasýy jáne 20 jyldyq tutas damý kezeńi Elbasy Nursultan Ábishuly Nazarbaevtyń esimimen tikeleı ári tyǵyz baılanysty. Táýelsiz Qazaqstan tatýlyq pen beıbitshiliktiń ortalyǵy deıtin bolsaq, Astana – altyn besigi. Sebebi osy az ǵana ýaqyt ishinde Astana Eýropadaǵy qaýipsizdik jáne yntymaqtastyq uıymy basshylarynyń sammıtin, birneshe ret álemdik jáne dástúrli din basshylarynyń sezin ótkizip keledi. Halyqaralyq EKSPO-2017 kórmesin abyroımen uıymdastyrdy. Qysqy Azııa oıyndary men sporttyń túrli sharalaryn atqaryp keledi. Sırııa qaqtyǵysynyń túıinin tarqatý maqsatynda talaı ret bas qosqan mekenge aınaldy. Búgin mine Astana halyqaralyq qarjy ortalyǵynyń ashylý saltanaty ótti, - dedi Altaı Kólginov.
О́ńir basshysynyń aıtýynsha, 20 jylda Astana qurylysyna bıýdjetten 2,3 trln teńge bólingenimen, ol qazirge deıin el qazynasyna shamamen 7 trln teńge salǵan eken. Iаǵnı qalanyń damýyna salynǵan memlekettiń qarjysy úsh ese artyǵymen qaıtaryldy. Astana halqynyń sany jıyrma jyldyń ishinde 3,5 esege ósip, 1 mıllıonnan asqan.
Búginde saıası-ekonomıkalyq qana emes, mádenı, rýhanı júregi atanǵan elorda Qazaqstannyń barlyq óńirleriniń basty qozǵaýshy kúshi bolyp, óńirlerdiń damýyna da serpin berip keledi. Búginde Prezıdent qabyldaǵan «Nurly jer», «Nurly jol» baǵdarlamalary arqyly Batys Qazaqstan oblysynyń árbir shalǵaı eldi mekenine taza aýyz sý jetip, baspana, bilim berý jáne densaýlyq saqtaý nysandary boı kóterýde.
- Naqty dáleldermen aıtar bolsam, osy 20 jyl ishinde oblys ekonomıkasyna 4 trln.teńgege jýyq ınvestısııa tartylǵan. 4 mln. sharshy metr turǵyn úı paıdalanýǵa berildi. О́tken 20 jyl ishinde 1800 shaqyrym jol jóndelgen. О́ńirimizdegi jyldar boıy qordalanyp kele jatqan joldyń problemalary birtindep sheshilýi – el damýynyń naqty kórinisi. Taza aýyz sý alys eldi mekenderge jetkizilýde. Sońǵy eki jyl ishinde 2 myń shaqyrym sý qubyry tartyldy. Mine, bul Astanamen qatar bizdiń óńirimizdiń de damýynyń kórsetkishteri, - dedi Altaı Seıdiruly.
Aıta ketý kerek, Astananyń kórkeıýine árbir batysqazaqstandyqtyń da qosqan úlesi bar. 20 jyldyq mereıtoı qarsańynda Elordada Sovet Odaǵynyń batyry Mánshúk Mámetovanyń eskertkishi boı kóterip, «Aqjaıyq» tynymbaǵy paıdalanýǵa berildi.
Qazbek QUTTYMURATULY,
«Egemen Qazaqstan»
Oral qalasy
