Oblystyq tabıǵı resýrstar men tabıǵat paıdalaný basqarmasy basshysynyń mindetin atqarýshy Samat Qalıevtyń aıtýynsha, sońǵy jyldary orman mekemelerin qarjylandyrý jaqsaryp keledi. Soǵan oraı jyl saıyn jasyl jelekti aýmaqtardy qorǵaý, orman qoryn qalpyna keltirý sharalary úzdiksiz júrgizilip keledi. 2013 jyldan beri oblys óńirinde orman alqaby 16 myń gektarǵa keńeıgen. Bul jaqsy nátıje.
«Ormandy órtten qorǵaý jumystarynyń 2018-2020 jyldarǵa arnalǵan jospary bekitilgen. Onda jergilikti ákimshilkter men Tótenshe jaǵdaılar departamenti, aýyl sharýashylyǵy, jolaýshylar kóligi men avtojoldar basqarmalary, «Qazaqstan temir joly» Qostanaı bólimshesi birigip árekert etedi. Bıyl «Semıozer» jáne «Mıhaılov» orman sharýashylyqtarynda oqý-jattyǵý jumystary júrgizildi» deıdi Samat Qalıev.
Kólemi 217 myń gektar bolatyn qylqan japyraqty orman alqabyn avıasııalyq baqylaý respýblıkalyq bıýdjetten qarjylandyrylady. Mamandar ormanǵa negizgi qaýip óz-ózinen tutanatyn dala órtinen bolatynyn aıtyp otyr.
Názıra Járimbet,
«Egemen Qazaqstan»
Qostanaı
