Jankent - Syr boıyndaǵy ortaǵasyrlyq qala. HI-HII ǵasyrlarda Oǵyz memleketiniń astanasy bolǵan shahardyń orny qazirgi О́rkendeý aýylynyń mańynda ornalasqan. Oǵan alys-jaqyn aımaqtardan týrıster barady jáne onda arheologtar da zertteý jumystaryn júrgizip keledi.
- О́rkendeý aýylyna Jankent degen tarıhı ataýdyń berilýi mereıimizdi ósirdi. Bul kóptiń kókeıinde júrgen másele bolatyn. Sebebi, patsha otarshyldyǵy men Keńes zamanynda qazaqtyń jer-sý attaryn ózgertý, halyqty tarıhı jadynan aıyrý jaǵdaılary kóp boldy. Bul olqylyqtyń ornyn toltyrý úshin aýyl turǵyndary men qoǵamdastyq músheleri jınalys jasap, «Qazaly aýdany, О́rkendeý aýyldyq okrýgi О́rkendeý aýylyna Jankent ataýyn qaıta berý týraly» usynysty biraýyzdan qoldady, - deıdi О́rkendeý aýyldyq okrýginiń ákimi Nábı Úrgenishbaı.
Jankent - búkil túrki jurtyna ortaq tulǵa, túbi bir aǵaıyndardy bir ortaq shańyraqqa biriktirip otyrǵan Qorqyt babanyń týǵan jeri. Sondyqtan da el eski ataýdyń qaıta oralǵanyna qýanyshty.
Baqtııar TAIJAN,
«Egemen Qazaqstan».
