40 jasqa deıingi 100 jas ǵalym qatysqan halyqaralyq joba Qazaqstannyń jáne TMD elderiniń ózara is-qımylyn birneshe baǵytta zertteýdi uıǵarady. Týrızm, aýyl sharýashylyǵy, ǵylym, mádenıet, sondaı-aq fızıka jáne ǵylymdy qajet etetin tehnologııalar salasyndaǵy yntymaqtastyqty damytý maqsatynda qolǵa alynǵan forýmǵa Qazaqstannyń, Reseıdiń, Lıtvanyń, Belarýstiń, Armenııanyń, Ázirbaıjannyń, О́zbekstannyń, Qyrǵyzstannyń, Tájikstannyń fızıkteri, saıasattanýshylary jáne ekonomısteri qatysty.
Jıyndy Elbasy Qorynyń atqarýshy dırektory Qanat Jumabaev ashyp, bıylǵy forýmnyń birshama jańa sapaly deńgeıde ótetindigin atap ketti. «Birinshiden, qatysýshylar geografııasy keńeıdi, Forýmǵa 100 ǵalym qatysyp otyr. Olardyń arasynda sheteldik 27 ǵalym bar. Ekinshiden, kún tártibi keńeıtildi, bıylǵy jyly fızıka jáne ǵylymdy qajet etetin tehnologııalar, aýyl sharýashylyǵyndaǵy ınnovasııalyq tehnologııalar salasyndaǵy birlesken ǵylymı zertteýler, týrızm, sondaı-aq qoǵamdyq-gýmanıtarlyq ǵylymdar bolashaǵy talqylanady. Úshinshiden, Forýmnyń jumysyna memlekettik organdardyń basshylary qatysady», dedi Q.Nesipbaıuly.
Onyń aıtýynsha memlekettik organ ókilderiniń forýmǵa qatysýy óz kezeginde jas ǵalymdarǵa bilim jáne ǵylym, sondaı-aq halyqaralyq yntymaqtastyq salasyndaǵy memlekettik saıasatty jetildirý boıynsha óz usynystary men usynymdaryn ýákiletti organdarǵa tikeleı jetkizýge múmkindik beredi.
«Burabay Forum» alańy negizinen jas ǵalymdarǵa aqparat almasýǵa, halyqaralyq ǵylymı jobalarǵa bastamashylyq jasaýǵa, ǵylymı zertteýle rdi kommersııalandyrýǵa múmkindik beredi. Sol arqyly ǵylym jáne bilim salasyndaǵy transshekaralyq yntymaqtastyǵy máselelerin talqylaıtyn birden bir platforma. Onda otandyq jáne sheteldik ǵalymdar arasynda tájirıbe almasý, Qazaqstan Respýblıkasynyń oqý oryndary men jaqyn shetelder arasyndaǵy baılanystardy nyǵaıtý máseleleri, birlesken ǵylymı zertteýler júrgizý keleshegi de keńinen qaralady.
Mıras ASAN,
«Egemen Qazaqstan»
