«Aqparat salasynyń úzdigi» tósbelgisimen eńbekte joǵary nátıjelerge qol jetkizgeni úshin qyzmeti boıynsha oń minezdemesi bar, ózine júktelgen mindetterdi adal ári jaýapty oryndaıtyn aqparat salasyndaǵy qyzmetkerler marapattalady.
Qýat Áýesbaı eńbek jolyn «Ana tili» respýblıkalyq gazetinde tilshi bolyp bastady. «Aıqyn» gazetiniń Jambyl oblysy boıynsha menshikti tilshisi bolǵan. Ár jyldary QR Jer resýrstaryn basqarý agenttigi Memjer ǴО́O «Baspa jáne redaksııalaý» bóliminiń meńgerýshisi-«Qazaqstan jer resýrstary» jýrnalynyń bas redaktory, «Aq jelken» respýblıkalyq jýrnaly bas redaktorynyń orynbasary, respýblıkalyq «Halyq sózi» qoǵamdyq-saıası gazetiniń bas redaktory bolyp qyzmet atqardy.
Keıingi jyldary QR Parlamenti Senaty Tóraǵasynyń hatshylyǵynda, QR Ulttyq mýzeıiniń jurtshylyqpen baılanys bóliminiń meńgerýshisi, Eýrazııalyq Top JShS-nyń Syrtqy korporatıvtik kommýnıkasııalar departamentiniń sarapshysy, «Atyraý-Aqparat» JShS dırektorynyń orynbasary, Jambyl oblystyq «Aq jol» gazetiniń dırektor-bas redaktory boldy.
«Egemen Qazaqstan» ujymy atynan áriptesimizdi joǵary marapatymen quttyqtap, shyǵarmashylyq tabys tileımiz.
