Qazaqstandyqtar Úndistandaǵy sý tasqynynan zardap shekkenderge kómektesti. Balalar men áıelder úshin azyq-túlik, kıim-keshek pen taǵy basqa qajetti zattardy Kerala shtatynyń turǵyndaryna jetkizdi.
Bılik ókilderi 3 500 lager qurdy, onda tabıǵı apattan zardap shekken 1,2 mıllıon adam qonystandy. Sheneýnikterdiń málimetinshe, myńnan asa adam iz-tússiz joǵalyp ketken.
Kerala shtatynda jaýǵan jańbyr mólsheri maýsym men qyrkúıek aılarynyń aralyǵynda jaýatyn jańbyr mólsherinen 40 paıyzdan asqan. Sońǵy on kúnde jaýǵan nóser jańbyr jaýǵannan keıin, sheneýnikter onnan asa qaýipti bógetti ashyp jibergen. Shtattyń bas mınıstri Pınaraıı Vıdjaıan bul jaǵdaıdy Úndistan tarıhynda bolǵan eń iri apat dep baǵalady. Bosqyndardyń qonystanǵan mekeni Shveısarııanyń jer kólemimen birdeı bolǵan.
Qazir adamdardyń turyp qalǵan sýdan taraǵan juqpaly aýrýlardy juqtyrǵan-juqtyrmaǵanyn tekserip jatyr eken. Keı jerlerde sýdyń deńgeıi 60 santımetrden asady. Apatty joıý úshin 1,4 mıllıard dollar qarajat tartylady.
