Aǵymdaǵy jyldyń qańtarynan bastap shilde aıyna deıin jerdi paıdalaný jáne qorǵaýdy baqylaý basqarmasy 220 sýbektiniń paıdalanýyndaǵy 161 myń gektardan astam jerdi tekserdi. Tekserý nátıjesinde 37 sharýa qojalyǵy anyqtalǵan buzýshylyqtardy joıý jáne jerdi aınalymǵa shyǵarý týraly nusqaýlar aldy.
Sonymen qatar, basqarma basshysy Abdýahat Myrzalınniń málimetinshe esepti kezeńde tártip buzýshylar erikti túrde memlekettik menshikke 47 myń gektardan astam aýyl sharýashylyǵy jerlerin qaıtardy.
Kommersııalyq maqsattaǵy jer ýchaskeleri turaqty baqylaýda. Osylaısha, sot sheshimderiniń negizinde 22,8 gektar aýmaqtaǵy 12 ýchastok qaıtaryp alyndy.
Oblys ákimi esepti tyńdap, qaıtaryp alynǵan jerlerdi tıimdi aınalymǵa engizý úshin barlyq qajetti sharalardy qabyldaýǵa tapsyrma berdi.
- Bul basty mindet. Jer oblys turǵyndarynyń paıdasyna jumys isteýi kerek, - dep atap ótti Berdibek Saparbaev.
Sondaı-aq ol JTÚQ úshin jer ýchaskelerin alý úshin kezek tizimderiniń elektrondy derekter bazasyn jańartýdy talap etti. Esterińizge sala keteıik, bıylǵy jyly oblysta 14 myńnan astam turǵyn úı salýǵa 10 gektar jer berý josparlanǵan.
Temir Qusaıyn
