Úkimet • 23 Tamyz, 2018

Josparly mejeler oryndalýymen qundy

211 retkórsetildi

Keshe Premer-Mınıstr Baqytjan Saǵyntaevtyń tóraǵalyǵymen kezekti Úkimet otyrysy ótip, onda oraq naýqanynyń barysy talqylandy, sonymen qatar 2016-2019 jyldarǵa arnalǵan ındýstrııalyq-ınnovasııalyq damý memlekettik baǵdarlamasynyń bıylǵy 6 aıdaǵy qorytyndysy baıandaldy. Otyrysta jylytý maýsymy men jańa 2018-2019 oqý jylyna daıyndyq sharalary keńinen sóz boldy. 

Jańbyr sýynan zardap shekpeýi kerek

Kezekti Úkimet otyrysynda kún tár­ti­bindegi máseleler talqylanbas bu­ryn Premer-Mınıstr Baqytjan Sa­ǵyntaev tolassyz jaýǵan jaýyn saldarynan Astananyń birqatar kósheleriniń sý astynda qalǵanyn tilge tıek etip, sonyń saldarynan jaıaý júrginshiler men avtokólik ıeleri zardap shekkenin, qoǵamdyq kólik qozǵalysy qıyndaǵanyn aıtty. B.Saǵyntaev osy másele jóninde Elbasy tarapynan da birneshe ret oryndy syn-eskertýler aıtylǵanyn atap ótti. Bul máseleni sheshý úshin tıisti tapsyrmalar júktelgen.

− Qala turǵyndary qalalyq kom­mý­naldyq qyzmetterdiń nashar jumy­synan zardap shekpeýge tıis. Baýyrjan Mo­myshuly dańǵyly men «Turan» dańǵylynda, «Uly Dala» kóshesiniń qıylystarynda, Baraev kóshesinde, «Jastar» shaǵyn aýdanynda jáne taǵy basqa jerlerde sý basý jaǵdaılary jıi oryn alady, – dedi B.Saǵyntaev.

Jıynda atalǵan máseleni sheshý joldaryn tanystyrý úshin Astana qalasynyń ákimi Áset Isekeshev onlaın baılanysqa shyqty. Onyń aıtýynsha, qaladaǵy barlyq júıeni teńgerimde ustap, nóserlik aǵyn qyzmetterimen aınalysatyn, jaýyn-shashyn káriz júıesin burý jónindegi arnaıy kásiporyn qurý josparlanyp otyr. «Astana–Tazalyq» dep atalatyn kásiporyn qalany sýdan tazartyp qana qoımaı, ony júıeli túrde rettep otyrý úshin jumys istemek. Bul máselege qatysty Premer-Mınıstr Baqytjan Saǵyntaev Ulttyq ekonomıka mınıstrligine Astana qalasynyń ákimdigimen birlesip atalǵan máseleni pysyqtaýdy tapsyrdy. Ákimdikke jaqyn arada osyndaı jaǵdaılardyń aldyn alý, kommýnaldyq qyzmetterdiń jumysyn kúsheıtýge qatysty qajetti sharalar qabyldaý tapsyryldy.

Kúzgi egin naýqanynyń sátti aıaqtalýy baqylaýda

Elimizdegi egin jınaý jumystary jó­ninde Premer-Mınıstrdiń orynbasary – Aýyl sharýashylyǵy mınıstri О́mirzaq Shókeev baıandady. Onyń aıtýyn­sha, jalpy jumys shtattyq rejimde júrgizilýde. Oraq naýqany Jambyl oblysynda 95,2 prosentke aıaqtalsa, Túrkistan oblysynda 95,6 prosentke aıaqtaldy. Atalǵan óńirler boıynsha ortasha túsimdilik gektaryna 21 sentnerdi quraǵan.

− Jıyn-terin jumystary Aqtóbe, Almaty, Batys Qazaqstan, Pavlodar, Qyzylorda jáne Shyǵys Qazaqstan oblystarynda júrgizilip jatyr. Atalǵan oblystardaǵy dándi daqyldar jınalatyn alqap 3 mln gektardy quraıdy, onyń 1,1 mln gektary nemese 36,3 prosenti jınaldy. Gektaryna 18,1 sentner ortasha túsimdilikpen 2 mln tonna astyq bastyryldy. Astyqtyń jalpy túsimi 20 mln tonna bolady dep boljanýda, bul bıylǵy qýańshylyq jaǵdaıynda jaman kórsetkish emes. Negizgi astyq ósiretin óńirler egin jınaýǵa tamyz aıynyń sońynda, qyrkúıek aıynyń basynda kirisedi. Ákimdikterdiń derekteri boıynsha tehnıkalar egin jınaýǵa 100 prosent daıyn, – dep málimdedi О́.Shókeev. Premer-Mınıstrdiń oryn­basary – Aýyl sharýashylyǵy mı­nıstri keltirgen aqparat boıynsha, egin jınaý jumystaryn der kezinde júr­gizý úshin aýylsharýashylyq taýar­laryn óndirýshilerge 394 myń tonna ar­zandatylǵan janar-jaǵarmaı bólingen. Energetıka mınıstri Qanat Bozymbaev keltirgen aqparatqa súıensek, Qazaqstan boıynsha 20 tamyzdaǵy jaǵdaıǵa sáıkes dızel otynynyń kólemi 260 myń tonnadan asady, kúzgi naýqan kezindegi jumystarǵa 110,5 myń tonna dızel jumsalǵan.

Al respýblıkada jalpy astyq saqtaý oryndarynyń syıymdylyǵy 26,7 mln tonnany quraıdy, onyń ishinde astyq saqtaý kásiporyndarynda – 13,7 mln tonna, aýyl sharýashylyǵy taýarlaryn óndirýshilerde – 13 mln tonnalyq oryn bar. Aýyl sharýashylyǵy mınıstrliginiń derekterine sáıkes, qazirgi tańda III sanatty bıdaıdyń bir tonnasy 48-49 myń teńge turady. Jańa jınalǵan ónimdi eksportqa jiberý úshin daıyndyq jumystary júrgizilýde. О́.Shókeev memlekettik organdarmen birlesip logıstıka máselelerin sheshý úshin júıeli jumys júrgizilip jatqanyn atap ótti.

Taqyrypty qorytyndylaǵan Pre­mer-Mınıstr Baqytjan Saǵyntaev Energetıka mınıstrligi egin jıyn-te­rimi aıaqtalǵanǵa deıin bekitilgen kes­tege sáıkes dızeldik otyn jetkizýdiń tu­raq­tylyǵyn qamtamasyz etýdi eskertip, bir­qatar tapsyrma júktedi.

Jarty jylda – 1800 jumys orny

Bıylǵy alty aıda 2015–2019 jyl­darǵa arnalǵan ındýstrııalyq-ınno­va­sııalyq damý memlekettik baǵdarlamasyn iske asyrý qorytyndysyn baıandaǵan In­vestısııalar jáne damý mınıstri Jeńis Qa­sy­m­bek ındýstrııalandyrý kartasy aıa­syn­da jarty jylda 1800-den astam tu­raq­ty jumys oryny ashylǵanyn málim­dedi.

− 2018 jyldyń I jarty jyldyǵyn 2010 jylmen salystyrǵanda óńdeý salalarynda jumys isteıtin qosymsha 3,5 myń kásiporyn paıda boldy. Negizinen ósim mashına jasaý, azyq-túlik ónerkásibi, qurylys materıaldary kásiporyndary sanynyń ósýi esebinen qamtamasyz etildi. Olardyń jalpy somalyq úlesi óńdeý ónerkásibi kásiporyndarynyń jıyntyq ósiminde 50 prosentten asty, – dedi mınıstr.

Bıylǵy alty aıdyń qorytyndylaryn ótken jylǵy sáıkes kezeńmen salys­tyr­ǵanda óńdeý sektoryndaǵy óndiris 5,2 prosentke artyp otyr. Oń dınamıkaǵa yqpal etetin negizgi draıverler: mashına jasaý, hımııa ónerkásibi, azyq-túlik ónimderi óndirisi, munaı óńdeý, metallýrgııa, qurylys materıaldarynyń óndirisi. Investısııalar jáne damý mınıstriniń aıtýynsha, bıylǵy esepti kezeńde barlyq maqsatty ındıkatorlar boıynsha oń qarqyn baıqalady. Memlekettik baǵdarlama aıasynda kásiporyndarǵa júıeli qoldaý sharalaryn kórsetýdiń nátıjesinde jańa óndiristerdi iske qosý, jumys istep turǵan kásiporyndardy jań­ǵyrtý jáne keńeıtý sharalary jalǵasýda.

Bıylǵy alty aıda Indýstrııalandyrý kartasy aıasynda 187 mlrd teńgege jýyq somaǵa 18 joba iske qosylǵan. Ekinshi jarty jyldyqta jalpy somasy 1,1 trln teńge bolatyn 100-ge jýyq jobany iske asyrý josparlanyp otyr. Onda 12,2 myńnan astam jumys orny ashylady degen jospar bar. Taqyrypty qorytyndylaǵan Premer-Mınıstr Baqytjan Saǵyntaev kásiporyndardy jańǵyrtý esebinen jańa joǵary tehnologııaly ónim shyǵarýǵa, túbegeıli jańa salalar qurýǵa jáne sol arqyly eksportty arttyrýǵa múmkindik týatynyn aıtty.

Jylytý maýsymyna daıyndyq júrgizilýde

Energetıka mınıstri Qanat Bozym­baev bıylǵy jylytý maýsymyna da­ıyndyq jumystary kestege saı júr­gizilip jatqanyn habarlady. Onyń aıtýynsha, qazir 4 energobloktyń jóndeý jumystary aıaqtalyp, 20 qazandyq pen 20 týrbına jóndeýden ótken. Aldaǵy ýaqytta 4 energoblok pen 25 týrbına jóndeýden ótedi dep kútilýde. Buǵan qosa, 21 myń shaqyrym elektr jelisi jóndelip, 497 qosalqy stansasy da qalypqa kelti­ril­mek. Ortalyqtandyrylǵan jylýmen jabdyqtaý aımaǵyndaǵy 568 qazandyq­tyń 413-i jóndelgen. Buǵan qosa, elektr stansalarynda 2,8 mln tonna kómir jáne 81 myń tonna mazýt qory ázirlengen.

− Ortalyqtandyrylǵan jylýmen qamtamasyz etý aımaǵyndaǵy qazan­dyq­tarda 979 myń tonna kómir, 32 myń tonna mazýt jınalǵan, – dedi Q.Bozymbaev.

О́ńirlerdi kómirmen qamtamasyz etý barysy jaıynda baıandaǵan Inves­tısııalar jáne damý mınıstri Jeńis Qasymbek bıylǵy 7 aıda 60 mln tonna kómir óndirilgenin, bul ótken jyldyń sáıkes kezeńimen salystyrǵanda 4 prosentke artyq ekenin jetkizdi.

Bıyl 3 mln bala mektepke barady

Jıynda 2018-2019 oqý jylynyń bas­talýyna daıyndyq barysy týraly Bilim jáne ǵylym mınıstri Erlan Saǵadıev baıandady. Onyń aıtýynsha, respýblıkada 898,4 myń balany qamtıtyn 10 311 mektepke deıingi bilim berý uıymy bar. Onyń 6727-si – memlekettik, 3584-i – jekemenshik. Elimizdegi 99 balabaqshaǵa kúrdeli jóndeý jumystary júrgizilýde.

Mınıstr keltirgen aqparat boıynsha, elimizde jańa oqý jylynda 3 mln-nan astam bala 7024 memlekettik mektepke baratyny anyqtalǵan. Onyń ishinde 350 myńǵa jýyq bala birinshi synypqa qabyldanbaq. Respýblıkalyq bıýdjet qarajaty esebinen 110 mektep salynyp jatyr, onyń 72-si bıyl paıdalanýǵa beriledi dep josparlanǵan. Jergilikti bıýdjet esebinen 94 mektep salynýda.

Sóz sońynda Úkimet basshysy Bilim jáne ǵylym mınıstrligine jańa oqý jylyna mektepterdiń sapaly daıarlyǵyn jáne de mektepterdi oqýlyqtarmen qamtý máselesin baqylaýda ustaýdy tapsyrdy.

Erkejan AITQAZY,

«Egemen Qazaqstan»

Banner
Sońǵy jańalyqtar

IOS júıesine qazaq tili resmı túrde qosyldy

Tehnologııa • Búgin, 18:11

Altyn Adam sherýi Malaızııada jalǵasady

Rýhanııat • Búgin, 17:52

Almatylyq stýdentter tazalyq kúnin ótkizdi

Ekologııa • Búgin, 15:21

«Kanelo» Golovkınnen qorqa ma?

Boks • Búgin, 14:51

Qasym-Jomart Toqaev Nıý-Iorkke keldi

Prezıdent • Búgin, 11:09

Baı-О́lkede mádenı ortalyq ashyldy

Ádebıet • Búgin, 10:11

Hat qorjyn (23.09.2019)

Qoǵam • Búgin, 09:59

Adal isti aramdamasaq qaıter...

Qoǵam • Búgin, 09:53

Onlaın-tapsyrys kómirden taryqtyrmaıdy

Aımaqtar • Búgin, 09:51

Qostanaı qysta tońbaıdy

Aımaqtar • Búgin, 09:48

«Mal da joq, qaıyr da joq»

Qazaqstan • Búgin, 09:46

Jylytý maýsymyna daıyndyq pysyqtaldy

Qazaqstan • Búgin, 09:45

Ádemi dánekerleýshimen áńgime

Qoǵam • Búgin, 09:38

Bıýdjet tıimdi josparlanýy tıis

Aımaqtar • Búgin, 09:25

Jezqazǵanda ishki gaz jelileri tartylýda

Aımaqtar • Búgin, 09:24

Halhyn-gol shaıqasynyń qaharmany

Rýhanııat • Búgin, 09:09

Aqyn toıyna daıyndyq qalaı?

Rýhanııat • Búgin, 09:08

Damý baǵyty aıqyn

Aımaqtar • Búgin, 09:00

Uqsas jańalyqtar