Abaıdyń týǵan kúnin osy ýaqytqa deıin ártúrli atap kelemiz. Biri M. Áýezovtiń 10 tamyz degenine, biri Qaıym Muhamedhanovtyń 23 tamyz degenine qulaq asady. Abaıdyń týǵan kúni týraly jalǵyz derek – Árham Kákitaıulynyń esteligi. Abaı týǵan óńir men Astana jurtshylyǵy 23 tamyzdy turaqty Abaı týǵan kúni dep keledi. Árham esteliginde: «1845 jyly qalypty ádet boıynsha Qunanbaı aýyly Qasqabulaqqa kelip qonǵannan keıin eskishe 10 avgýst kúni Qunanbaıdyń ekinshi áıeli Uljan tolǵatyp, bir ul dúnıege keledi» dep jazady. «Eski stıl» – Keńes úkimeti ornaǵanǵa deıin qoldanysta bolǵan ıýlıan kúntizbesi. Keńestik halyq komıssarlary keńesi 1918 jyly 26 qańtarda dekret qabyldap, eldi kalendarlyq júıesin grıgorıan kúntizbesine kóshirýge úkim etipti. Qaýly boıynsha sol jyldyń 1 aqpany birden 13 aqpan bolyp belgilengen.
Grıgorıan kúntizbesine sáıkes Abaıdyń týǵan kúni – 23 tamyz.
