Amerıkalyq senatorlardyń biri Djon Sıdnı Makkeın III 2018 jyly jergilikti ýaqytpen 16:28-de qaıtys boldy. Marqumnyń ómirmen qoshtasar sátinde janynda otbasy músheleriniń bolǵany aıtylady zań shyǵarýshynyń apparaty taratqan málimdemede.
Sondaı-aq senator apparatyndaǵylar «Makkeınniń 60 jyl boıy Qurama Shtattarǵa adal qyzmet etkenin» atap ótti. AQSh senatorynyń dıagnozy týraly 2017 jyly 19 shildede jarııalanǵan. Makkeınniń ókilderi onda sol jylǵy 14 shildede Fınıks qalasyndaǵy (Arızona shtaty) medısınalyq ortalyqtyń hırýrgteri sátti ota jasaǵanyn, senatordyń sol kózinen uıyǵan qandy alyp tastaǵanyn habarlaǵan bolatyn. Al 24 tamyzda Makkeın derttiń asqynýyna baılanysty em qabyldaýyn toqtatqan edi.
Djon Makkeın 29 tamyzda 82 jasqa keler edi. AQSh Prezıdenti Donald Tramp qaıǵyly oqıǵaǵa baılanysty saıasatkerdiń otbasyna kóńil aıtty.
«Djon Makkeınniń otbasyna orny tolmas qazaǵa baılanysty kóńil aıtamyn. Bizdiń júregimiz ben duǵamyz sizdermen birge», dep jazdy ol Twitter paraqshasynda.
