Qazaq prozasynda birli-jarym shyǵarmalar bolmasa, qalanyń kúndelikti tynys-tirshiligi men qala adamdarynyń oılaý júıesi, dúnıetanymy men mádenıeti, qazaqtyń qalaǵa beıimdelýi máseleleri áli kúnge tolyq qamtylmaı kele jatqan taqyryp. Baıqaýdyń negizgi maqsaty – sońǵy jyldary jıi kóterilip júrgen osy máselege – qazaq ádebıetiniń qala prozasy janryn damytýǵa úles qosý.
Baıqaýdyń mindeti:
jazýshylarǵa shyǵarmashylyq qoldaý kórsetý;
qazaq prozasynyń taqyryptyq aýqymyn keńeıtý;
qazaq jazýshylaryn qala taqyrybyn ıgerýge yntalandyrý;
búgingi zamanǵy qala kelbeti men tynys-tirshiligin ádebı shyǵarmalar arqyly tarıhta qaldyrý.
Baıqaýdyń sharttary: Baıqaýǵa qatysýshylar ádebıet pen mádenıettiń ortalyǵy – Almatynyń búgingi tynys-tirshiligi men ondaǵy turǵyndardyń qıly taǵdyrlaryn sýrettegen prozalyq shyǵarmalaryn joldaı alady;
baıqaý, jalpy, qala prozasyna arnalǵandyqtan, qala atynyń naqty atalýy shart emes;
prozalyq shyǵarmanyń kólemine (áńgime, povest, roman) shekteý qoıylmaıdy;
baıqaýǵa usynylǵan shyǵarma buryn eshqaıda jarııalanbaǵan bolýy tıis;
baıqaýǵa qatysýshylardyń jasyna shekteý qoıylmaıdy;
shyǵarmalar 5 qyrkúıekten bastap 30 qarashaǵa deıin qabyldanady.
Baıqaý jeńimpazdaryn elge belgili ádebıetshiler men aqyn-jazýshylardan qurylǵan qazylar alqasy anyqtaıdy.
Baıqaýǵa usynylǵan shyǵarmalardy baǵalaý kezinde olardyń:
kórkemdik deńgeıiniń joǵary bolýy;
qala prozasy janryna qoıylatyn talaptarǵa saı bolýy;
qala adamynyń psıhologııasy men qala kórinisteriniń senimdi sýrettelýi;
áriptik jáne stıldik qatelikterdiń bolmaýy talap etiledi.
Talapqa saı emes nemese kórkemdik deńgeıi tómen shyǵarmalar irikteýden ótpeıdi.
Baıqaýǵa usynylatyn shyǵarmalardyń taqyryptyq aýqymy:
Baıqaý qatysýshylaryna taqyryptyq shekteý qoıylmaıdy. Qala, ýrbanızasııa, ýrbanıstik mádenıet taqyrybyna arnalǵan kez kelgen shyǵarma qabyldanady.
Sonyń ishinde:
qazaq pen qala;
Almaty – táýelsizdiktiń altyn besigi;
tarıh tolqynyndaǵy qala;
búgingi qala tirshiligi;
qaladaǵy jastar ómiri;
qazaqtyń qalaǵa beıimdelýi;
ýrbanızasııa;
qala mádenıeti;
qazaq uǵymyndaǵy qala men shynaıy ómirdegi qala («qala – qazaqqa jaý»; «qala – qazaqqa janashyr» t.b.);
qalada týyp, qalada ósken adamdardyń beınesi;
aýylda týyp, qalada ósken adamdardyń beınesi;
qylmysty qala (detektıv) t.b.
Baıqaýǵa qatysý úshin: shyǵarmalar kompıýterde terilip, Times New Roman qarpi, 14 kegl ólshemi boıynsha (1 jolaralyq ólshem) jazylyp, elektrondy nusqada tıisti mekenjaıǵa joldanady;
qatysýshy aty-jóni, turǵylyqty mekenjaıy, telefon nómiri, elektrondy adresi, ómirbaıany men shyǵarmashylyǵy týraly qysqasha aqparatty elektrondy nusqada qosa joldaýy tıis.
«QAZAQ pen QALA» respýblıkalyq baıqaýynyń júlde qory:
1-oryn – 1 mıllıon (1 000 000) teńge;
2-oryn – 500 myń (500 000) teńge;
3-oryn – 300 myń (300 000) teńge;
Arnaıy syılyqtar – 200 myń (200 000) teńge;
Yntalandyrý syılyqtary – 100 myń (100 000) teńge.
Qosymsha aqparat: Baıqaýdy ádil túrde ótkizý maqsatynda barlyq talaptarǵa saı jazylǵan shyǵarmalardy oqyrmandar «Jas Alash» gazetinen oqı alady. Joǵaryda kórsetilgen ólshemge sáıkes, alty betten aspaıtyn shyǵarmalar gazet betine, alty betten asatyn shyǵarmalar gazet saıtyna jarııalanyp otyrady. Bul óz kezeginde qazylar alqasynyń ádil sheshim shyǵarýyna jáne baıqaýdyń ashyq túrde ótkizilýine yqpal etedi.
Baıqaý jeńimpazdary anyqtalǵan soń, baıqaýǵa qatystyrylǵan (gazette jarııalanǵan) barlyq shyǵarmalar jınaqtalyp, prozalyq jınaq shyǵady.
Úmitkerler shyǵarmalaryn «Qazaq pen qala» baıqaýyna qatysý úshin!» degen eskertpemen zhasalash2017@gmail.com elektrondy poshtasyna joldaıdy.
Baıqaý qorytyndysy marapattaý rásiminde ǵana jarııalanady. Marapattaý Táýelsizdik kúni qarsańynda Almaty qalasynda ótedi (ózgerister bolsa arnaıy habarlanady). Baıqaý jeńimpazdary anyqtalǵan soń, avtorlar jeke habarlandyrylady.
Mekenjaıymyz:
050044, Almaty qalasy
Dostyq dańǵyly 97/B úı, 7/3 keńse
Respýblıkalyq «Jas Alash» gazeti
Telefondar:
Qabyldaý bólimi – 8(727) 346-89-54
Elektrondy poshta: zhasalash2017@gmail.com
