Ulydan ulaǵat – urpaqqa amanat

Árbir adam jeke tarıh. Kezin­de álemdik rekord ornat­qan Ybyraı Jaqaev, malshy­lardyń marshaly atanǵan Ja­zyl­bek Qýanyshbaev, dańqty qyzyl­shashy Márzııa Ibragı­mova sııaqty qanshama Eńbek Erleri qazaq topyraǵynan shyq­ty. Sonymen qatar, Aǵadil Sýham­baev, Baýbek Bulqyshev, Abdolla Jumaǵalıev syndy talaı bozdaq Otan úshin ot keshti.

Tarıhı tulǵalar umytyl­maýy tıis. Qazaqtyń árbir ólkesi qasıetti, qasterli. Alaıda árbir óńirdiń ózindik ereksheligin tanytatyn derekter bolady. Máselen, Jambyl oblysynyń Talas aýdanynan kezinde 2 Keńes Odaǵynyń Batyry men 59 Sosıa­lıstik Eńbek Eri shyqty. Bári de kezinde Talastyń kolhozdarynda eńbek etip, qazaqtyń ejelgi kásibi mal sharýashylyǵyn damytýǵa úles qosqan azamattar. Olardyń arasynda Ekinshi dúnıejúzilik soǵys kezinde 1943 jyly Loevonyń ońtústik-batys jaǵyndaǵy 138,6 metr bıiktikke aldymen jetip, tóbesine tý tikken Sádý Shákirov, 708 saýlyqtyń ár júzinen 115-ten tól alǵan Imanbek Amankeldıev, Úsharal aýylyndaǵy ferma boıynsha árbir júz analyqtan 113-ten tól alyp, qarakól eltirisiniń seksen bes prosentin birinshi sortqa jetkizgen Ábdir Saǵyntaev, ár júz analyq bastan 112-den tól alǵan Qasym Sámbetov jáne ózge de Eńbek Erleri men Keńes Odaǵynyń Batyrlary bar.

Búginde Talas aýdanynyń or­­­ta­­lyǵy Qarataý qalasynda, aýdan­­­­­dyq ákimdiktiń qarsy al­dyn­­­da osy­naý azamattardyń bar­ly­­­­ǵy­­­­nyń da jekelegen bıýs­teri or­­­na­­tylyp, esimderi jazyl­­­ǵan. Al onyń janynda Ul­bıke aqyn atyndaǵy máde­nıet úıi or­na­las­qan. Aýdan ákimi Dos­ma­han­bet Álıev uly­lar­dyń ula­ǵaty ár­daıym halqy­nyń jadyn­da ekenin aıtady. «Ulydan ulaǵat – urpaqqa amanat. Bizder árdaıym Talastan shyqqan tarlandardy qadirleımiz. Sony­men qatar bul alleıa urpaqtar sa­baq­­­tas­­­tyǵyna da jol ashady», deıdi ol.

Hamıt ESAMAN,

«Egemen Qazaqstan»

Jambyl oblysy