Forým qarsańynda Ulttyq kitaphanada baspasóz máslıhatyn ótkizgen halyqaralyq qazaq Pen klýbynyń prezıdenti Bıgeldi Ǵabdýllın osy mazmundaǵy ádebı forýmnyń elimizde 1973 jyldan bergi aralyqta uıymdastyryla qoımaǵanyn, ári sharany uıymdastyrýǵa Memleket basshysynyń «Bolashaqqa baǵdar: rýhanı sanany jańǵyrtý» baǵdarlamalyq maqalasynyń úlken oı tastaǵanyn jetkizdi. «Bul saıasat, álemdegi qaqtyǵystar taqyryby emes, ádebıet tóńiregindegi jarqyn oılar men erkin pikirler basqosýy» dep atap ótti Bıgeldi Ǵabdýllın.
Forýmǵa Túrkııa, Mońǵolııa, Germanııa, Chehııa, Reseı, Fransııa, AQSh, Ulybrıtanııa, Polsha, Izraıl, Qytaıdan, Palestına sııaqty álemniń 16 elinen 80-ge jýyq ókilder keledi. Osy aıtýyly mádenı sharaǵa belgili qazaqstandyq qalamgerlermen qatar Sergeı Gandlevkıı, Alekseı Svetkov, Bahyt Kenjeev, sondaı-aq Saımon Holıngsvord, Saımon, Geıgan, Vladımır Kvarsov syndy esimderi ádebıet álemine tanymal tulǵalar qatysady.
Forým aıasynda pikirler alańyndaǵy kezdesýlermen qatar M.Joldasbekov atyndaǵy stýdentter saraıynda ádebı kesh ótkizý josparlanǵan.
Elvıra Bókenbaeva,
«Egemen Qazaqstan»
ALMATY
