Is-sharaǵa Qazaqstan men О́zbekstannyń zııaly qaýymy men jergilikti qazaq dıasporasynyń ókilderi, sondaı-aq Túrkistan oblysynan arnaıy kelgen delegasııa qatysty. Jınalǵan halyq Sheıhantaýr memorıaldyq kesheninde qazaq bıiniń rýhyna taǵzym etti. Budan bólek, Qazaqstandaǵy О́zbekstan jyly aıasynda Tóle bıdi eske alýǵa arnalǵan konferensııa ótti. Onyń barysynda baýyrlas qos eldiń ǵalymdary men jazýshylary uly sheshenniń qoǵamdyq qyzmeti týraly baıandamalar jasady.
Túrkistan oblysy Tóle bı aýdanynyń ákimi Baýyrjan Omarbek О́zbekstannyń Jazýshylar odaǵyna Tóle bıdiń ómirine arnalǵan jeti tomdyq kitapty saltanatty túrde tabys etti.
Eske sala ketsek, qazaqtyń úsh uly bıiniń ekeýi О́zbekstanda jerlengen: Tóle bı Tashkenttegi Qarlyǵash bı mavzoleıinde, Áıteke bı - Navoı oblysynda.
«Árbir ulttyń uly tarıhı tulǵalary, danalary, bıleýshileri bar. Olardyń izi máńgige qalyp, eldiń mádenıeti men tarıhyna qyzmet etedi. Tóle bı - osyndaı tulǵalardyń biri. Ol halyq úshin qıyn-qystaý kezeń bolǵan - 17 ǵasyrda eldi birlikke úndep, udaıy kómektesip otyrǵan. Eń daýly máselelerde ádil sheshim qabyldaǵan», - dedi О́zbekstan Jazýshylar odaǵynyń múshesi Ahmadjon Melıboev.
