Máshhúr Júsiptiń 20 tomdyq shyǵarmalar jınaǵy sıfrly formatqa kóshti

Jıynǵa Djavaharlal Nerý atyndaǵy ýnıversıtet professory Krıshan Lobııal, Varshava arheologııalyq ınstıtýtynyń ókili Mıhal Adamıak, máshhúrtanýshylar, Dıhan Qamzabekuly, Jantas Jaqypov bastaǵan fılologııa, tarıh, fılosofııa, lıngvıstıka salalarynyń ǵalymdary qatysty.

Negizi ýnıversıtette 2004 jyldan beri Máshhúrtaný ǵylymı-tájirıbelik ortalyǵy qyzmet etýde. Máshhúr Júsip shyǵarmalarynyń 20 tomdyq jınaǵy, ensıklopedııa atalǵan ortalyqtyń uıytqy bolýymen basylyp shyqty. 

Buǵan deıin  oblys ortalyǵynda  «Uly Dala murasy: tarıh, tulǵa, taǵylym» atty taǵy bir tarıhı-ǵylymı jıyn ótken-di. Ol jıynnyń basty taqyryby óz zamanynyń uly tulǵalary atanǵan Buqar jyraý Qalqamanuly, ataqty Musa Shormanov, ǵulama Máshhúr Júsip, ánshi, kompozıtor Estaı Berkimbaıuly, Sultanmahmut aqynǵa arnalǵan bolatyn. Bul rette uly babalardyń mereıtoılaryna oraılastyrǵan «Kóne ǵasyr kúmbiri» atty respýblıkalyq baıqaýǵa elimizdiń ár óńirinen jyrshy-jyraý, termeshiler kelgenin aıta ketken jón. 

Konferensııadan bólek, oblys ákimdiginiń qoldaýymen Máshhúr Júsiptiń 20 tomdyq shyǵarmalar jınaǵy sıfrly formatqa kóshti. Aqyn Sultanmahmuttyń  Toraıǵyr aýylyndaǵy mýzeıi kúrdeli jóndeýden ótip, qajetti jabdyqtarmen qamtamasyz etildi.

Al ýnıversıtette ótken «Másh­húr­tanýdyń ǵylymı negizderi – «Máńgilik el» ulttyq ıdeıasy» atty halyqaralyq ǵy­ly­mı-tájirıbelik konferensııa osy  rýhanı sharalardy ári qaraı jalǵastyrdy. Oqý ornynyń ǵylymı kitaphanasy sırek kitaptar qoryndaǵy ǵulamanyń rýha­nı-tarıhı murasy boıynsha kitaptar kór­mesin usyndy.

Bul kúnniń taǵy bir ereksheligi, atalǵan oqý ornyndaǵy Pedagogıka  fakýltetine qa­rasty «J.Aımaýytov atyndaǵy etno­pe­da­go­gıka jáne bilim berýdiń ınnovasııalyq tehnologııalary» ǵylymı-tájirıbelik ortalyǵynda «Máshhúr Júsip álemi» atty balalarǵa arnalǵan  bólim ashyldy. 

Professor Eńlik Jumataıqyzynyń aıtýynsha, bólimge qoıylǵan kitaptardaǵy ertegiler Máshhúr Júsip shyǵar­ma­larynyń negizinde jazylǵan. Ertegilerdiń avtory  Eńlik apaıymyz balalarǵa ar­nal­ǵan kórneki áńgimeler men ertegiler jı­naǵy shyǵarmashylyq izdenispen jazylǵanyn aıtyp ótti. Kitaptardaǵy erte­gilerdiń ıllıýstrasııalyq sýret­terin oqý ornynyń sáýlet-qurylys fakýl­tetiniń stýdentteri jasaǵanyn da aıta ketkenimiz jón. Ǵylymı jıyn barysynda Máshhúr Júsiptiń mol murasyn nasıhattaý men zertteýge úles qosqan ǵalymdar oqý­shy­lardyń mektep qabyrǵasynda júrip ǵylymı jumyspen aınalysýynyń mańyz­dy­lyǵyna erekshe toqtaldy.

Aıtalyq óńirdegi «Ertis daryny» qo­symsha bilim berý oqý-ádistemelik or­ta­ly­ǵynyń dırektory Ǵajdembek Tursy­novtyń aıtýynsha, halyqaralyq dáre­jede ótken osy ǵylymı jıynda ýnı­ver­sıtet rektory Gaýhar Ahmetova ma­ra­pat­taǵan oqýshylar jyl saıyn uıymdas­tyrylatyn «Máshhúr Júsip oqý­lary­na», bıyl «Máshhúr Júsip: ómirdiń fı­losofııalyq máni, izdenisteri» atty 

H aı­maqtyq zııatkerlik konkýrsqa  qatysqan. Ǵu­la­manyń murasyn zertteýde atalǵan orta­lyq aýyl, qala ustazdarymen birge oqý­shy­lardy on jyl boıy daıyndap keledi. 

О́ńirdegi oqý oryndarynyń rýhanı-tarıhı ǵylymı tanymdyq  bul jumystary árıne keler urpaqtyń qolyna tıip, kózderi túser, oqyp bilim alar degen maqsattan týǵan sharalar deýge bolady.  

Jıynǵa qatysqan ǵalymdardyń aıtýynsha, Máshhúr Júsiptiń ıdeıalary ýa­qytqa baǵynbaıdy, búginge deıin ózekti. Sheteldik ǵalymdar da Máshhúr Júsip fe­nomenin zertteýde birshama jumystar istep jatqanyn aıta ketken durys. Osy sııaq­ty aldaǵy ýaqytta qazaq jeriniń uly ǵula­malarynyń eńbekterin shet tilderge aý­da­ryp, qazaq mádenıeti men ádebıetin álem­ge nasıhattaý jumysy qolǵa alynady. 

Farıda BYQAI,

«Egemen Qazaqstan» 

PAVLODAR