Qazaqtan shyqqan tuńǵysh ǵaryshker, Keńes Odaǵynyń Batyry, Qazaqstan Respýblıkasynyń Halyq qaharmany , tehnıka ǵylymynyń doktory, professor Toqtar Áýbákirov 1946 jyly maýsymnyń 27-inde Qaraǵandy oblysy Qarqaraly aýdany, «1-inshi maı» ujymsharynda dúnıege kelgen. 1969 jyly Reseı Federasııasyndaǵy Armavır joǵary áskerı ushqyshtar ýchılıshesin, 1979 jyly avıasııa ınstıtýtyn bitirgen .
1969 — 75 jyldary Áskerı-áýe kúshterinde ushqysh, zveno komandıri, eskadrılıa komandıriniń orynbasary bolǵan. 1976 — 1992 jyldary Máskeýdegi Tájirıbelik konstrýktorlyq bıýronyń ushqysh-synaqshysy mindetterin atqarǵan.
1988 jyly Keńes odaǵynda alǵash ret áýede ushaqqa eki márte janarmaı quıdyrý arqyly soltústik endikke qonbaı ushýdy erlikpen júzege asyrdy. Reaktıvti ushaqtyń elýden asa jańa túrin synaqtan ótkizdi, 1990 jyly ǵaryshkerler quramyna alyndy.
Toqtar Áýbákirov 1991 jyly 2 qazanda Baıqońyrdan “Soıýz TM-13” kemesimen ǵaryshqa ushyp, qazannyń 10-ynda Jerge qaıtyp qondy.
