Memlekettik qyzmet isteri jáne sybaılas jemqorlyqqa qarsy is-qımyl agenttigi jergilikti departamenti men «Qoǵamdyq kelisim» kommýnaldyq memlekettik mekemesiniń qoldaýymen uıymdastyrylǵan klýbtyń oblystyq sletine mektepterden 500-den astam delegat jınalyp, alda atqarylatyn is-josparlarmen bólisti. Delegattar aldynda sóılegen sózinde oblys ákiminiń orynbasary Madııar Qojahmet jemqorlyq deńgeıi tómen óńirde qoǵamdyq jegi qurtpen kúres jan-jaqty óris tapqanyn jetkize kelip, búgingi kúni 497 uıymǵa birigip otyrǵan mektep oqýshylary aǵa urpaq dástúrlerin berik ustap, jalǵastyratynyna senim bildirdi. Saltanatty bólim aıaqtalǵannan keıin jetkinshekter Tuńǵysh Prezıdent saıabaǵynda ótken kvest oıyndaryna, sondaı-aq sherýge qatysyp, bilimderi men sporttyq ázirlikteriniń bıik dárejede ekenin tanytty.
«Adal urpaq» klýby qataryna sabaqta ozat, qoǵamdyq jumystarda belsendi otyzǵa jýyq jas patrıot qabyldanyp, paraqorlyq aksııalar men sharalarǵa úzbeı aralasyp kele jatqan jergilikti uıymdar men olardyń jetekshilerine aımaq basshysynyń alǵys hattary tapsyryldy. Úzdikter qatarynda Kellerovka, Mamlıýt, Esim Shaıkın atyndaǵy mektepter bar.
О́mir ESQALI,
«Egemen Qazaqstan»
Soltústik Qazaqstan oblysy
