Sáken Seıfýllın 1894 jyly15 qazanda Jezqazǵan oblysy, Aqadyr aýdany, Qarashilik qystaǵynda dúnıege kelgen. Nildidegi orys-qazaq, Aqmoladaǵy bastaýysh prıhod mektebinde (1905–1908), qalalyq úsh klasty ýchılıshede (1913–1916) oqydy. 1914 jyly Qazan qalasynda «О́tken kúnder» atty tuńǵysh óleńder jınaǵyn bastyrdy. Ombyda qazaq jastarynyń «Birlik» qaýymy basshylarynyń biri boldy. 1917 jyly Buǵylyda mektep ashyp, orys tilinen sabaq berdi. 1917 jyly 9 naýryzda «Asyǵyp tez attandyq» atty óleńin jazdy. Keshikpeı Aqmola qalasyna aýysyp, «Jas qazaq» uıymyn ashty, «Tirshilik» gazetin shyǵarysty, 3 aılyq pedkýrsta oqytýshy boldy. 1918 jylǵy sáýirde «Jas qazaq marselezasyn» jazyp, 1 mamyrda «Baqyt jolynda» atty pesasynyń premerasyn kórsetti.
1918 jylǵy 4 maýsymda aqtardyń kóterilisi bolyp, Aqmola sovdepshileri tutqyndaldy. Atamannyń «azap vagonynda» 47 kún ajalmen arpalysyp, 1919 jylǵy 3 sáýirde Kolchaktyń Ombydaǵy túrmesinen qashyp shyqty. 1920 jyly 7 mamyrda Aqmolaǵa qaıtyp oralyp, atqarý komıteti tóraǵasynyń orynbasary jáne ákimshilik bóliminiń meńgerýshisi bolady. 1920 jylǵy 4 qazanda Qazaq Keńes Avtonomııalyq Respýblıkasyn jarııalaǵan Keńesterdiń 1-Quryltaı sezine delegat bolyp qatysyp, Ortalyq Atqarý Komıtetiniń múshesi bolyp saılandy. Jer-sý komıssııasynyń jumysyna jáne baspasóz isine basshylyq etti. 1922 jyly «Eńbekshi qazaq» gazetiniń redaktory, Halyq Aǵartý Komıssarynyń orynbasary boldy.
Qazaq ASSR Keńesiniń 3 sezinde Halyq Komıssarlary Keńesiniń Tóraǵasy bolyp saılandy (1922–1925). 1925 jyly 7 sáýirde Halyq aǵartý komıssarıaty janyndaǵy ǵylym ortalyǵynyń tóraǵasy, 12 maýsymda Qazaqstan proletar jazýshylary assosıasııasynyń (QazAPP) basshysy bolyp taǵaıyndaldy. 1926 jyly BK(b)P О́lkelik komıtetiniń partııa tarıhy bóliminiń meńgerýshisi, 1927 jyly Qyzylordadaǵy halyq aǵartý ınstıtýtynyń, Tashkenttegi qazaq pedagogıkalyq ınstıtýtynyń dırektory bolyp jumys istedi. 1927 jyly shyqqan «Jyl qusy» almanahyna basshylyq etti, «Jańa ádebıet» jýrnalyn ashýǵa (1928) atsalysty. 1922 jyldan bastap «Qyzyl Qazaqstan» jýrnalynda jarııalana bastaǵan «Tar jol, taıǵaq keshý» atty memýarlyq shyǵarmasyn jeke kitap etip (1927) shyǵardy. 1929 jyly qazaqtyń zııaly azamattaryna arnap aýyz ádebıeti úlgisin jınaý jóninde jazǵan «Ashyq hatyn» jarııalady. Qazaqtyń memlekettik pedagogıka ınstıtýtynyń dosenti boldy.
1932 jyly «Ádebıet maıdany» jýrnalynyń redaktory, 1934 jyly Qazaqtyń kommýnıstik jýrnalıstıka ınstıtýtynyń professory qyzmetin atqardy. 1936 jyly Qazaq ádebıeti men óneriniń Máskeýde ótken birinshi onkúndigine qatysty. 1917 jyly «Jubatý» atty tuńǵysh áńgimesin jazdy. 1922 jyly «Asaý tulpar» atty óleńder jınaǵyn», «Baqyt jolynda», «Qyzyl suńqarlar» pesalaryn jazdy. «Dombyra» (1924), «Ekspress» (1926), «Turmys tolqynynda» (1928), «Kókshetaý» (1929) óleń-poemalar jınaqtaryn, «Tar jol, taıǵaq keshý» atty tarıhı memýarlyq romanyn (1927), «Jer qazǵandar» povesin (1927) jaryqqa shyǵardy.
30-shy jyldary «Albatros» (1932), «Qyzyl at» (1934), «Sosıalıstan» (1935) atty poemalaryn, «Aısha» (1930), «Jemister» (1935) atty povesterin jarııalady. Qazaqstan eski ádebıet nusqalaryn jınaý, zertteý, bastyrý isimen shuǵyldandy. Qazaq folklorynyń tarıhyna arnalǵan «Qazaq ádebıeti» (1932) kitabyn jazdy. Qazaq ádebıetiniń oqýlyqtaryn jasaýǵa qatysty. Basty shyǵarmalary orys tiline aýdarylyp, Keńester Odaǵy halyqtarynyń birqatar tilderinde basyldy. Qazaq jazýshylarynyń ishinen tuńǵysh ret Eńbek Qyzyl Tý ordenimen marapattalyp, shyǵarmashylyq eńbegine 20 jyl tolýy merekelendi. Qazaqstan Jazýshylar odaǵy tańdaýly derekti proza men pýblısıstıkalyq shyǵarmalarǵa jyl saıyn berilip turatyn S.Seıfýllın atyndaǵy ádebı syılyq taǵaıyndady (1985). Almaty, Astana sııaqty kóptegen qalalar men eldi mekenderge, teatrlar men mektepterge, kitaphanalar men kóshelerge Sáken Seıfýllınniń aty berilgen.
