Osy ýaqytqa deıin oblystyq deńgeıde ótkizilip kelgen músháıra bıyl tuńǵysh ret «Rýhanı jańǵyrý» baǵdarlamasy aıasynda respýblıkalyq deńgeıdi qamtydy. Músháıraǵa elimizdiń túkpir-túkpirinen 18-40 jas aralyǵyndaǵy 70 úmitker baq synap, onyń 17-i aqtyq synǵa shyqty.
Qazylar alqasynyń sheshimimen yntalandyrý syılyǵyna Qýat Ejembekov (Astana qalasy), Saıat Qamshyger (Almaty qalasy), Dýman Samatuly (Aqmola oblysy), Marlen Ǵılymhanov (Batys Qazaqstan oblysy), Mızan Jumaáli (Pavlodar oblysy), Aqerke Ábdikárim (Qaraǵandy oblysy), Saltanat Keńesbekova (Qaraǵandy oblysy), Maqsat Kúzemhanov (Qaraǵandy oblysy), Sultan Dáýlethan (Qaraǵandy oblysy) ıe bolyp, olarǵa 30 myń teńgeden júlde tapsyryldy. «Úkili úmit» arnaıy júldesine (50 myń teńge) Erik Naryn (Qaraǵandy oblysy) laıyq dep tanyldy. Júldeli úshinshi oryn «Egemen Qazaqstan» gazetiniń Jambyl oblysy boıynsha menshikti tilshisi Hamıt Esamanǵa, Túrkistan oblysynan kelgen Arqalyq Ámálııatulyna jáne almatylyq Muhtar Kúmisbekke buıyryp, olar 150 myń teńgeden júlde qarjysyn qanjyǵaǵa baılady. Ekinshi oryndy Qaraǵandy oblystyq «Arqa aqshamy» gazetiniń bas redaktory Janat Jańqashuly jáne Mańǵystaý oblysynan kelgen Asylbek Jańbyrbaı ıelendi. Mundaǵy júlde 250 myń teńgeden boldy. Al 350 myń teńge tartatyn birinshi orynnyń júldesi Qaraǵandy oblystyq «Ortalyq Qazaqstan» gazetiniń tilshisi Raýan Qabıdoldınge buıyrsa, bas júlde – 500 myń teńgeni osy basylymnyń aǵa tilshisi Jánibek Álıman ıelendi.
Qaırat ÁBILDA,
«Egemen Qazaqstan»
Qaraǵandy
