Taıaýda Dúnıejúzilik ekonomıkalyq forým 2018-2019 jyldarǵa arnalǵan Jahandyq básekege qabilettilik ındeksiniń jyl saıynǵy reıtıngin resmı túrde jarııalaǵan bolatyn. Onda Qazaqstan 140 eldiń ishinde 59-orynǵa taban tiregeni kórsetilgen. Bul kórsetkish byltyrǵy deńgeımen sáıkes.
Aıta keterligi, básekege qabilettilik faktorynyń aıasynda Qazaqstandaǵy «Taýarlar naryǵy», «Infraqurylym», «Eńbek naryǵy», «Qarjylyq júıe» syndy baǵyttar oń baǵalandy. Sonymen qatar elimiz 2017 jylmen salystyrǵanda 0,7 balǵa joǵarylap, jalpy kórsetkish 61,8 bal qurady. Bul nátıje arqyly Qazaqstan tizimdegi Kolýmbııa, Túrkııa, Perý syndy elderden oq boıy ozyq tur.
Dúnıejúzilik ekonomıkalyq forým Qazaqstandy «Eńbek naryǵy» boıynsha 30-orynǵa, «Bıznestiń qarqyndylyǵy» boıynsha 37-orynǵa, «Naryq kólemi» boıynsha 45-orynǵa, «Bilim jáne daǵdylar» boıynsha 57-orynǵa, «Taýarlar naryǵy» boıynsha 57-orynǵa, «Instıtýttar» boıynsha 61-orynǵa, «Makroekonomıkalyq turaqtylyq» boıynsha 62-orynǵa, «Infraqurylym» boıynsha 69-orynǵa laıyqty dep tapty.
Jıynda T.Súleımenov básekege qabilettiliktiń jekelegen baǵyttary boıynsha odan ári ósý úshin Úkimet birqatar pármendi sharalar qabyldap jatqanyn atap ótti.
Erkejan AITQAZY,
«Egemen Qazaqstan»
