Nátıjesi kóńilimizden shyǵady

«KÁÝSÁR-BULAQ» áleý­met­tik kómek kórsetý ortalyǵy» qoǵamdyq birlestiginiń prezı­denti Uldanaı Qambarova: 

«KÁÝSÁR-BULAQ» áleýmet­tik kómek kórsetý ortalyǵy» qoǵam­dyq birlestigi Prezı­dent­ke, Úkimetke, Pre­zı­dent Ákimshiligine, Ulttyq Bankke já­ne Ulttyq Banktiń Qarjylyq qyz­metterdi tutynýshylardyń qu­qyqtaryn qorǵaý jáne syrtqy kommýnıkasııalar basqarmasyna óziniń kezekti alǵysyn bildiredi. Sizderge jáne sizderdiń qyzmet­kerlerińizge úlken alǵysy­myz­­­­dy bildirgimiz keledi. Bú­gin Qazaqstanda borysh­ker aza­mattardyń kepildegi jyl­jy­maıtyn múlkin saqtaý jó­nindegi ıpotekalyq problemalar ońtaıly sheshilýde, boryshtyq júkteme azaıtyldy, paıyzdyq mólsherleme tómendetildi jáne kredıtteý merzimi 20 jylǵa deıin uzartyldy. Sizderdiń eli­mizdiń ıpoteka alýshylarynyń proble­malaryn sheshýdegi aýyr eńbekterińizge rızamyz. Sizderge zor densaýlyq, uzaq ómir jáne barlyq isterińizge bereke tileımiz. Bul másele túpkilikti sheshildi deý­ge bolmaıdy. Ipotekalyq qaryz alýshylardy odan ári qorǵaý jáne jalǵyz baspanany saqtaý boıynsha alda áli de birlesip úlken jumys jasaýymyz qajet. 

«Arnamys-5» tóraǵasy Qa­na­ǵat Takeeva:

«Múmkindikti paıdala­na oty­­ryp Prezıdentke, onyń aza­­­mattardyń ómirin jaq­sar­týǵa degen nıeti úshin jáne Ulttyq Banktiń basshysyna Pre­­zıdenttiń tapsyrmalaryn jedel iske asyr­ǵany jáne qa­ryz alýshylarǵa adam­ger­shi­likpen qaraǵany úshin alǵy­symdy bildirgim keledi. Bizdiń ıpotekalyq epopeıamyz sha­mamen 11 jylǵa sozyldy. Ol bo­lashaqqa degen úmitsiz, qa­lyp­ty ómirge oralýǵa degen tus­palsyz ómir súrgen jyldar boldy. Adamnyń erkin qoz­ǵa­lyssyz, óz ómiriniń ǵana emes, óz balalarynyń ómiri men bo­lashaǵyn erkin josparlaı almaı, búkil múlkimen qosa tyıymmen ómir súrýi qorqynyshty. Bizdiń Pre­zıdentimiz Úkimetten sha­ǵyn já­ne orta bızneske qoldaý kór­setý jóninde sharalar ázir­leýdi únemi talap etip otyrady, biraq qabyldanyp jatqan sharalar kásipkerler obek­tile­­riniń kóp­­shiligi 2005 jyldan beri ekinshi deńgeıdegi bankter­de olardyń problemalyq qaryz­daryn qamtamasyz etý retinde, obektilerdiń bir bóligi naýbaı­hanalar, kondıterlik orta­lyq­tar, balabaqshalar, sharýa qojalyqtary, elevatorlar já­ne basqa da kóptegen obek­tiler bankterdiń balansyna qa­byldanǵanyn eskermeıdi. Bank­terdiń boryshtardy óndirip alý jónindegi jumysyna baılanys­ty kásipkerler óz jumys­taryn toqtatyp, bul obektilerdi qal­dyrýǵa májbúr bolady. Qyz­met kórsetilmegennen keıin bul obektiler jaramsyz bolyp qalady. Bul ká­sipkerler mem­lekettiń qol­daýyna, bız­nes­ti qalypqa kel­tirý úshin jaǵ­daılardyń ja­salýyna muq­taj. Úkimetke ká­sip­kerlerge qoldaý kórsetý jáne kom­mersııalyq obektilerdi ońaltý jónindegi qanatqaqty jobany iske qosýdy usynamyz, ol bankterdegi ótimsiz aktıv­terdi azaıtýǵa, sha­ǵyn jáne orta bızneske qol­daý kórsetýge, halyqty jańa jumys oryndarymen qamtamasyz etýge jáne eldiń ekonomıkasyn kóterýge múmkindik bergen bolar edi».

Dýman ANASh

«Egemen Qazaqstan»