Elge el qosylsa qut. Áıtpese, kenttiń tirshiligi osydan biraz buryn júdeý edi. Kezinde alyp stansamen birge salynǵan kóp qabatty úıleri bos qalǵan-dy. Qazir júdeý tirshilikke reń berip, óndiristi kenttiń kelbeti ózgere bastady. Turǵyndarynyń deni elektr stansasynda eńbek etýde. Budan basqa, birneshe sharýa qojalyǵy, shaǵyn jáne orta bıznes nysandary bar
Kent ákimi Marjan Alshynbaevanyń aıtýynsha, kenttiń byltyrdan beri jeke bıýdjeti bar. Iаǵnı, 4-shi deńgeıli bıýdjet arqyly salyqtan túsken qarjyǵa kent qaýymdastyǵymen aqyldasa otyryp, ishki joldardy, kóriktendirý, saıabqtar otyrǵyzý qolǵa alynýda. Turǵyndar kentke kireberis joldyń jóndelýin kútýde. Joba-josparlar da jeterlik.
Byltyr GRES-2 stansasy kenttiń 60 jyldyq týǵan kúnine balalar alańyn ornatyp jaqsy syılyq jasap beripti. Turǵyn úıler de qalpyna keltirilýde. Bos qalǵan páterlerdiń 45 otbasy endi kiltterin alady. Páterler qazir Ekibastuz qalasynyń menshigine ótken. Eger de qalǵan úıler jóndelse , bul úıdegi páterlerge 200-deı adam qonystanbaq.
Jalpy, kentte negizin óz ultymyz quraıtyn, al, qalǵandary 1880 orys, 141 ýkraın, 82 nemis, 79 tatar, 41 belarýs, 5 sheshen halqynyń ókilderi turady. О́zbekstannan elge oralǵan 24 otbasy qonystandy. Kósh te jalǵasýda.
Mysaly, 3 balasy bar Asqarbek Muhamedov Túrkistan oblysy, Arys qalasynan «Nátıjeli jumyspen qamtý jáne jappaı kásipkerlikti damytý» baǵdarlamasy boıynsha kóship kelipti. Izdegenge suraǵan dep, stansaǵa gaz-elektrmen dánekerleýshi bolyp jumysqa da turdy.
Kentte «Altyn adam», «Barys», «Jońǵar men qazaqtyń jekpe-jegi», «Qarakereı Qabanbaı», «Shapyrashty Naýryzbaıdy» músindegen músinshi, sýretshi, qolónershi, Erkinjas aǵa Muhamedjanovpen jolsapar barysynda tanysqanbyz. Mektep oqýshylary, aýyl balalary sýret ónerine beıimdelip, músinder jasaýdy úırenýde. Erkinjas aǵamyz da, shetten kóship kelgen aǵaıynnyń biri.
Bul kúnderi qazaq tilinde bilim beretin mektepte 400 deı oqýshy, orys tilindegi mektepte 366 oqýshy bar. Orys mektebinde 130-daı qazaq balasy oqyp júrse, 1-5 jastyń aralyǵynda 400-deı kishkentaı ósip keledi.
Al, turǵyndar jańa mekteptiń ashylýyn asyǵa kútip júrdi. О́tken jyly Ekibastuz qalalyq qurylys bólimi kentte salynatyn mekteptiń búkil esep-syzba qujattaryn daıyndaıdy.
Jaqsy jańalyqty jyldar oıy kútip júrgen turǵyndar kenttiń úlken-kishisi bar Naýryz meıramy kúni mektep salynatyn qurylys alańyna jınalady. Kenttegi Abaı atyndaǵy jalpy bilim beretin mektep dırektory Aıman Kenjebaevanyń aıtýynsha, turǵyndar súıinshilep, bir-birin quttyqtady. Kenttiń úlkenderi Ánýrbek, Qalıasqar qajy atalar, Klara, Zárý, Bıǵaısha apalar «Mekteptiń irgetasy berik, shańyraǵy bıik!» bolsyn dep bata jasady. Shashý shashyldy. Oqýshylar mektepke keler jolǵa aǵashtar egildi. Ánýarbek atanyń 10 balasy kenttegi balabaqsha ǵımaratyna ornalasqan mektepten bilim alypty. Endi nemerelerim jańa mektepte oqıdy dep qýanyshty.
Al, qazir mektep qurylysy qarqyndy. Bıylǵy jyldyń mamyr aıynda bastalǵan qurylysty jergilikti ózimizdiń «Stalmontaj» JShS merdiger kompanııasy qolǵa alypty. Buıyrsa, joba boıynsha mektep 2019 jyldyń shilde aıynda daıyn bolmaq.
Sóıtip, kelesi jańa oqý jylyn Solnechnyı kentiniń 400-den astam oqýshysy jańa mektepte oqıdy. Sport stadıony salynady. Mekteptiń qurylysyna 1,2 mlrd. teńge bólingen. Aıman Kenjebaevanyń aıtýynsha, aldaǵy ýaqytta kenttiń jalpy bilim berý mektebinen kóp salaly mektep-gımnazııa sanatyna aýystyrýda jospar da bar
Mektep qurylysymen Ekibastuzǵa jańadan ákim bolyp taǵaıyndalǵan Nurjan Áshimbetov te tanysyp qaıtty. Kásiporynnyń atqarýshy dırektory Vıacheslav Vdovydchenkonyń málimetinshe, qazir mekteptiń 1-shi qabaty daıyn. Ekinshi qabatta terezelerdi ornatý, santehnıkalyq jáne elektrmontajdaý jumystary júrgizilýde. Qurylys materıaldarynyń barlyǵy ekibastuzdyq kásipkerlerden jetkizilýde. Qurylys basynda mamandarmen birge jergilikti turǵyndar da eńbek etýde.
Farıda BYQAI,
«Egemen Qazaqstan»
Ekibastuz qalasy,
Solnechnyı kenti
Sýretti túsirgen: Abzal Qabdirash
