Úkimet • 23 Qazan, 2018

Asqar Mamın Erevanda ótken «Eýrazııa aptalyǵy» halyqaralyq forýmyna qatysty

195 retkórsetildi

2018 jyldyń 22 qazanynda QR Premer-Mınıstriniń Birinshi orynbasary Asqar Mamın Erevanda ótken «Eýrazııa aptalyǵy»: Eýrazııalyq ekonomıkalyq odaqtyń naqty sektory: ıntegrasııa jaǵdaıynda áleýetti arttyrý» atty halyqaralyq forýmnyń plenarlyq otyrysyna qatysty, dep habarlaıdy  Premer-Mınıstrdiń baspasóz qyzmeti. 

Forýmǵa qatysýshylar aldynda sóz sóılegen Armenııa Premer-Mınıstri Nıkolo Pashınıan «Eýrazııa aptalyǵynyń» mańyzdylyǵyn atap ótti. Sonymen qatar, ol bul sharanyń EAEO aıasyndaǵy yntymaqtastyqty nyǵaıtýǵa yqpal etetin mańyzdy pikirtalas alańyna aınalatynyna senim bildirdi.

2000-ǵa jýyq adam qatysqan jıynda sóz sóılegen 150 baıandamashynyń ishinde Reseı Úkimeti Tóraǵasynyń birinshi orynbasary Anton Sılýanov, Belarýs Respýblıkasy Premer-Mınıstriniń orynbasary Igor Petrıshenko, Qyrǵyz Respýblıkasynyń vıse-premeri Jenısh Razaqov, Eýrazııalyq ekonomıkalyq komıssııa alqasynyń tóraǵasy Tıgran Sarkısıan, úkimet mınıstrleri, memlekettik korporasııalar men EAEO-ǵa múshe memleketterdiń bıznes ókilderi bar.

QR Premer-Mınıstriniń Birinshi orynbasary A. Mamın óz sózinde EAEO-ǵa múshe memleketter aldynda jahandyq ekonomıkanyń aldaǵy sıkldyq baıaýlaýynyń saldaryn azaıtý mindeti turǵanyn jetkizdi.

Sondaı-aq, A. Mamın EAEO elderiniń ońtaıly saıasatynyń arqasynda teris úrdisterge qarsy tura alatyn mehanızminiń bar ekenin de atap ótti.

«Biryńǵaı ekonomıkalyq keńistikti damytý baǵyttaryn júzege asyrý, EAEO elderiniń naryqtaryna kedergisiz kirýdi qamtamasyz etý sharalary syrtqy faktorlarǵa qaramastan, osy elder arasyndaǵy saýda-sattyqty arttyrýǵa jaqsy jaǵdaı jasady. "Doing Business 2018" reıtıngisinde EAEO 190 orynnyń ishinde 35-shi bolyp tur. 2017 jylmen salystyrǵanda 5 pozısııaǵa kóterilgen», — dedi A. Mamın.

2018 jyldyń qańtar-shilde aılarynda EAEO-nyń ózara saýda-sattyq kólemi $34,1 mlrd qurady, bul ótken jyldyń sáıkes kezeńimen salystyrǵanda 13,8%-ǵa kóp. 2018 jyldyń qańtar-shilde aılarynda EAEO músheleriniń syrtqy saýdasy $419,6 mlrd jetti. Bul – 2017 jyldyń sáıkes kezeńimen salystyrǵanda 22,7%-ǵa artyq kórsetkish.

EAEO ishki naryǵyndaǵy bıznes-ortany jaqsartý úshin túrli salalardaǵy 15 kedergi joıylyp, kásipkerlerdi biraz qarjy shyǵynynan saqtap qaldy.

Asqar Mamın EAEO aıasynda turaqty ekonomıkalyq ósim bolýy úshin óńdeýshi sektordyń básekege qabilettiligin arttyratyn kelisilgen ekonomıkalyq saıasattyń qajettigin basa aıtty. Bul jumysta eń aldymen, EAEO-nyń barlyq músheleriniń básekelestik artyqshylyqtaryn ıntegrasııalaýǵa jáne qosylatyn qun tizbeginde shyǵyndardy azaıtýǵa baǵyttalǵan ortaq óndiristik prosesterdi qalyptastyrý kerek.

«Ǵarysh, medısına, tabıǵı resýrstardy óndirý, ekologııa jáne aýyl sharýashylyǵy salalarynda 130 birlesken jobany ázirleý jospary jasaldy», — dedi A. Mamın.

QR Premer-Mınıstriniń Birinshi orynbasary óndiristik áleýetti odan ári damytýdyń basty máselesi sıfrlandyrý ekendigin aıtty. Onyń sózine qaraǵanda, ásirese jekelegen sektorlarda nemese óńirlerde bul prosesstiń artta qalý úderisine sezimtaldyǵynyń joǵary bolýyna baılanysty EAEO elderiniń arasynda sıfrlandyrýdy birqalypty úılestirý qajettiligi týyp otyr.

QR Birinshi Vıse-Premeri «Eýrazııa aptalyǵy» forýmy EAEO elderiniń ekonomıkasyn, ınvestısııalar men eksporttyq áleýetin damytýdyń, bıznes-prosesterdi ıntegrasııalaýdy odan ári tereńdetýdiń mańyzdy quraly bolady dep senim bildirdi.

Erevanǵa sapary aıasynda Asqar Mamın «EAEO aıasynda qazirgi zamanǵy damý paradıgmasy» tanystyrylymyna baryp, EAEO-ǵa qatysýshy elderdiń óńdeý ónerkásibi ónimderiniń kórmesiniń jumysymen tanysty, sondaı-aq Eýrazııalyq ekonomıkalyq komıssııa Keńesiniń otyrysyna da qatysty.

Banner
Sońǵy jańalyqtar

Memleket basshysy Lı Chjanshýmen kezdesti

Prezıdent • Búgin, 14:47

Túrkistan – jastar qalasy!

Aımaqtar • Keshe

Importtan ne uttyq?

Ekonomıka • Keshe

Festıvaldiń alǵashqy kúninde eki qoıylym sahnalandy

Rýhanııat • 20 Qyrkúıek, 2019

«Eki juldyz» baıqaýy Almatyda bastaldy

Rýhanııat • 20 Qyrkúıek, 2019

Tarazda jedel baılanys ortalyǵy ashyldy

Aımaqtar • 20 Qyrkúıek, 2019

Lısakovtyń «Báıteregi»

Aımaqtar • 20 Qyrkúıek, 2019

Alty boksshymyz jartylaı fınalda aıqasady

Sport • 20 Qyrkúıek, 2019

Gobelen – tekti ónerdiń týyndysy

Rýhanııat • 20 Qyrkúıek, 2019

«Mádenı qabat» joıylǵan joq

Qoǵam • 20 Qyrkúıek, 2019

Shahmardan terbelgen talbesik

Rýhanııat • 20 Qyrkúıek, 2019

Uqsas jańalyqtar