Aımaqtar • 24 Qazan, 2018

Almatyda «Nurly jer» baǵdarlamasy boıynsha 1500 salymshy baspanaly bolady

210 retkórsetildi

«Nurly jer» memlekettik turǵyn úı baǵdarlamasy Almatynyń da talaı turǵyndardy qonys toıyna jetkizip otyr.

Endigi kezekte Turǵyn úı qurylys jınaq bankiniń Almatydaǵy 1 500 salymshysy «Nurly jer» baǵdarlamasynyń aıasynda baspana ıesi atanbaq.

Osy tolymdy oqıǵaǵa oraı búgin BAQ ókilderi baǵdarlama arqyly beriletin úılerge saıahat jasady. О́z kezeginde bul úıler  – «Jergilikti atqarýshy organdar arqyly kredıttik turǵyn úı qurylysy» baǵyty boıynsha Alataý aýdany, «Saıaly» yqshamaýdanynda salynyp jatyr. Keshen 5 qabatty kóppáterli úılerden turady. Páterler aýmaǵy 29-84 sharshy metri aralyǵynda.

Qazir bank 886 páterden turatyn pýl daıyndady. Jyl sońyna deıin taǵy 621 páter boıynsha ótinish qabyldaý jarııalanady. Al «Nurly jer» baǵdarlamasy aıasynda Turǵyn úı qurylys jınaq banki jelisi arqyly satylatyn ár páterge 6 úmitkerden keledi.

– Qazir Turǵyn úı qurylys jınaq banki ónimderi men baǵdarlamalary halyq arasynda úlken suranysqa ıe bolyp otyr. Osy jyldyń alǵashqy 9 aıynyń nátıjesi boıynsha jalpy qazaqstandyq ıpotekadaǵy bizdiń banktiń úlesi 62%-ǵa teń. 26 000 azamat baspanaly boldy, onyń 6 000-y «Nurly jer» memlekettik baǵdarlamasy boıynsha úı aldy. Osy jyldyń sońyna deıin tek bir Almatyda ǵana taǵy 3 000 páter satylady, onyń 1 500-i «Nurly jer» baǵdarlamasy boıynsha beriledi. Bul keltirilip otyrǵan derekter – eldegi áleýmettik turǵydan eń ózekti máselelerdiń biriniń, ıaǵnı azamattardy qoljetimdi úımen qamtamasyz etýdiń tıimdi jolmen sheshilip jatqanynyń aıqyn mysaly, – dedi Turǵyn úı qurylys jınaq banki Almaty qalalyq fılıalynyń dırektory Gúlzat Sımtıkova.

«Nurly jer» boıynsha turǵyn úıler 50/50 qaǵıdasymen bólistiriledi. Iаǵnı páterlerdiń kem degende 50%-y ákimdikte turǵyn úı kezeginde turǵandarǵa beriledi, al qalǵan 50%-y kezekte joq Turǵyn úı qurylys jınaq banki salymshylary arasynda satylady.

Jalpy alǵanda 2019 jyldyń naýryz aıynda «Alma sıtı» turǵyn úı keshenindegi bes qabatty úılerden 600 páterdi paıdalanýǵa berý josparlanyp otyr. Budan bólek, toǵyz qabatty úılerdegi 1 myńnan astam páter 2019 jyldyń shildesinde salynyp bitedi.

Aınash ESALI,

«Egemen Qazaqstan»

ALMATY

Sońǵy jańalyqtar

Nur-Sultanda qar kúni atap ótiledi

Qoǵam • Búgin, 10:12

18 qańtarǵa arnalǵan aýa-raıy boljamy

Qazaqstan • Búgin, 09:58

Almaty jasyl qalaǵa aınalady

Ekologııa • Keshe

Bulandydaǵy berekeli is

Aımaqtar • Keshe

Mal baqqanǵa bitedi...

Aımaqtar • Keshe

Tekeli – eńbekshiler mekeni

Aımaqtar • Keshe

Jer ıesin tapsa ıgi

Aımaqtar • Keshe

Ǵasyrlarǵa ulasar uly tuǵyr

Rýhanııat • Keshe

«Ádilet, shapqat kimde bar...»

Rýhanııat • Keshe

Bárimizdiń Abaıymyz

Rýhanııat • Keshe

Investısııalar ıgiligi

Ekonomıka • Keshe

Uqsas jańalyqtar