Tarıh • 31 Qazan, 2018

Mańǵystaýda jańa «Jyńǵyldy» katakombasy tabyldy

515 retkórsetildi

Mańǵystaý aýdanynyń Jyńǵyldy aýylynda sý qubyryn tartý úshin jerdi qazý barysynda adam qańqalary tabyldy. Qańqalar 1,8 metr tereńdikten tabylǵan. Sondaı-aq, úsh adamnyń súıegi jerlengen kólemi 80h80 qýysqa tap bolǵan jumysshylarǵa qýystyń eki jaǵynda 1-2 metr qashyqtyqta ózge de súıekter bólikteri kezdesedi. О́zderi qazǵan transheıa boıynan katakomba esikterine uqsas belgilerdi baıqaıdy. 

Oqıǵa ornyna jetken Mańǵystaý oblystyq tarıhı-mádenı qoryq qyzmetkerleriniń aıtýynsha, jerleý ornynan barlyǵy alty qańqa tabylǵan. Onyń biri – sábı súıegi bolsa, úsheýi birge jerlengen jasóspirimder súıegi bolýy múmkin. Al úshinshi qýysqa áıel adamnyń, tórtinshi qýysqa er adamnyń qańqalary jerlengen.

- Aldyn ala anyqtaý boıynsha bul katakombalyq jerleý kesheni bolyp tabylady. Arheologtardyń pikiri boıynsha, transheıanyń boıynan 8 katakombanyń esigi kórinedi. Sondaı-aq, arheologııalyq tazalaý jumystary kezinde birneshe qańqalar tabyldy. Eskertkish týraly naqty aqparat berý qıyn, alaıda  aldyn-ala boljam boıynsha, jerleý rásimderine sáıkes atalǵan jerleý orny bizdiń zamanymyzdyń 1-8 ǵasyrlary aralyǵyna tıesili bolýy múmkin, deıdi Mańǵystaý oblystyq tarıhı-mádenı qoryǵynyń arheologııa jáne arhıtektýra bóliminiń jetekshisi Bekbolat Tólegenuly.

Arheolog A.Astafev pen reseılik maman E.Bogdanov jańa arheologııalyq nysannyń qqoldaý bolyp, tyńǵylyqty ári tereń zertteý jumystary júrgizilse bul eskertkishter arqyly Mańǵystaý tarıhyna qatysty jańa, tyń paraqtar ashylýy múmkin ekendigin aıtady.

Gúlaıym ShYNTEMIRQYZY,

«Egemen Qazaqstan»

Mańǵystaý oblysy

Sońǵy jańalyqtar

Elimizde indet juqtyrǵandar sany 500-ge jetti

Koronavırýs • Búgin, 09:30

Juma: Almatyda 28 indet oshaǵy karantınde tur

Ońtústik Qazaqstan • Keshe

Almatyda zerthanalar sany artady

Ońtústik Qazaqstan • Keshe

Uqsas jańalyqtar