Otyrysqa qatysýshylar Ortalyq Azııa aımaǵynda áskerı qaýipsizdiktiń qaýip-qaterleriniń sıpaty, sondaı-aq olarǵa qarsy is-qımyl boıynsha pikir almasty.
Sonymen qatar ujymdyq qaýipsizdiktiń Ortalyq Azııa óńirinde áýe shabýylyna qarsy qorǵanysty uıymdastyrý, Ujymdyq qaýipsizdik týraly shart uıymy ujymdyq qaýipsizdiginiń kúshteri jáne júıe quraldarynyń tapsyrmalardy oryndaýyn qamtamasyz etý úshin materıaldyq quraldar qoryn jasaqtaý, tájik-aýǵan shekarasynda shıelenisti azaıtýǵa baǵyttalǵan sharalar ázirleý týraly ári qaraıǵy jumystyń baǵyttary aıqyndaldy.
– Usynymdardy ázirleı otyryp, ujymdyq qaýipsizdiktiń óńirlerdegi áskerı-saıası jaǵdaıdyń monıtorıngi men taldaýy jalǵastyrylatyn bolady. 2020 jylǵa deıingi kezeńge Ujymdyq qaýipsizdik týraly shart uıymyna múshe memleketterdiń áskerı yntymaqtastyǵyn damytýdyń negizgi baǵyttaryn iske asyrý jónindegi jospardyń oryndalý barysy týraly aqparat tyńdaldy. Qarastyrylǵan máseleler biz úshin basty maqsat – Uıymǵa múshe memleketterdiń ujymdyq qaýipsizdigi men turaqtylyǵyn nyǵaıtýǵa negiz bolady. Áskerı komıtettiń kezekti otyrysy 2019 jyldyń birinshi jartyjyldyǵynda Qyrǵyz Respýblıkasynda ótedi, – dedi Áskerı komıtet tóraǵasy, Qorǵanys mınıstriniń birinshi orynbasary – Qazaqstan Qarýly Kúshteri Bas shtabynyń bastyǵy, general-leıtenant Murat Maıkeev.
Otyrys qorytyndysy boıynsha UQShU-ǵa múshe memleketterdiń ujymdyq qaýipsizdigin nyǵaıtýǵa baǵyttalǵan birqatar ýaǵdalastyqqa qol jetkizildi.
Serik ÁBDIBEK,
«Egemen Qazaqstan»
