Jeńil atletıka • 05 Qarasha, 2018

Jeke rekord jetistik emes

369 retkórsetildi

Álem sportynda «Sport padıshasy» atanyp ketken jeńil atletıkanyń alar orny erekshe. О́ıtkeni jelmenen jarysqa túsken sportshylardyń óneri kim-kimdi bolsyn tańdandyrmaı, tamsandyrmaı qoımaıtyny anyq. 

Qazirgi tańda jeńil atletıkadan AQSh, Iаmaıka jáne Kenııa sportshylarynyń aty aspandap tur. Degenmen sporttyń bul túrinen qazaq sportshylary da qara jaıaý emes. KSRO dáýirinde birqatar jerlesimiz Olımpııa oıyndarynda jeńistiń bıik tuǵyryna kóterilgenin kóziqaraqty jankúıer umyta qoımaǵan bolar. Mysaly 1952 jyly Helsınkıde jáne 1956 jyly Melbýrnda ótken dúbirli dodada jerlesimiz Vladımır Sýharev 4h100 metrlik estafetalyq saıysta kúmis medal enshiledi. 

Al 1960 jyly Ǵusman Qosanov Rım Olımpıadasynda qazaq sportshy­larynyń arasynda tuńǵysh júldeger atanyp, kúmis medalǵa ıe boldy. Ǵusman Qosanovty aıtqan kezde Ámın Tuıaqov aǵamyzdy umyt qal­dyrý múmkin emes. Ekeýi qazaq jeńil atletteri arasynda alǵash KSRO-nyń eńbek sińirgen sport shebe­ri normatıvin oryndap shyqty. Táýel­sizdik jyldary qazaq jeńil atletıka­synyń kóshin alǵa súıregen sportshy­lardyń qatarynda Olga Shıshıgına men Olga Rypakovany aıtýǵa bolady. Qos Olga Olımpıadanyń eń bıik tuǵyryna kóterilip, Kók baı­raǵymyzdy kókte jelbiretti.

Qazirgi tańda Olımpııa oıyndary men álem chempıonattarynda eń kóp medal dál osy sport túrinen sarapqa salynady. Atap aıtsaq, Olımpıada men álem chempıonatynda jeńil atletıka sportynan 47 medal úlestiriledi. Tek 2017 jyl ótken álem birinshiliginde 48 medal sarapqa salynsa, kelesi jyly Dohada ótetin baıraqty básekede medal sany taǵy bireýge artpaq. 

Sóz basynda bul sport túrinen AQSh, Iаmaıka, Kenııanyń aty ozyp tur dedik qoı. Sózimiz jalań bolmas úshin sońǵy úsh Olımpıada men úsh álem chempıonatyndaǵy nátıjelerine toqtalsaq ta jetkilikti shyǵar. 

Beıjiń Olımpıadasy (2008 jyl) – 1. AQSh – 23 medal (7+9+7), Re­seı – 18 (6+5+7), 3. Kenııa – 14 (6+4+4).

London Olımpıadasy (2012 jyl) – 1. AQSh – 28 medal (9+12+7), 2. Re­seı – 14 (6+3+5), 3. Iаmaıka – 12 (4+4+4).

Rıo Olımpıadasy (2016 jyl) – AQSh – 32 medal (13+10+9), 2. Kenııa – 13 (6+6+1), 3. Iаmaıka – 11 (6+3+2).

Álem chempıonaty (Reseı, 2013 jyl) – AQSh – 25 medal (7+13+5), 2. Reseı – 12 (6+2+4), 3. Iаmaıka – 10 (6+2+2).

Álem chempıonaty (Qytaı, 2015 jyl) – Kenııa – 16 medal (7+6+3), 2. Iаmaıka – 12 (7+2+3), 3. AQSh – 18 (6+6+6).

Álem chempıonaty (Anglııa, 2017 jyl) – AQSh – 30 medal (10+11+9), 2. Kenııa – 11 (5+2+4), 3. OAR – 6 (3+1+2).

Endi qazaqstandyq jeńilat­let­terdiń álemdik arenadaǵy júldeler sanyn eseptep kórsek.

Beıjiń Olımpıadasy (2008 jyl) – 1 kúmis.

London Olımpıadasy (2012 jyl) – 1 altyn.

Rıo Olımpıadasy (2016 jyl) – 1 qola.

Álem chempıonaty (Reseı, 2013 jyl) – 0 medal.

Álem chempıonaty (Qytaı, 2015 jyl) – 1 qola.

Álem chempıonaty (Anglııa, 2017 jyl) – 1 qola. 

Qazaqstandyq jeńilatletter arasynda erlerge qaraǵanda qyzdardyń nátıjesi kóńil qýantarlyq. О́ıtkeni  qyzdarymyz birneshe jyldan beri ishki birinshilikte murty buzylmaı kele jatqan rekordtardy jańartyp, halyqaralyq arenalarda top jaryp júr. Atap aıtar bolsaq, úsh qarǵyp sekirý boıynsha 33 jastaǵy Olga Rypakova sońǵy úsh Olımpııa oıyndarynyń úsh medalin (altyn (2012 j), kúmis (2008 j), qola (2016 j)) ıelense, 2015 jáne 2017 jylǵy álem birinshiliginde qola júldege qol jetkizip júr. Munan bólek, Azııa oıyndarynyń tórt altyny bar. El qorjynyna orǵyp ta, qarǵyp ta sekirip medal salyp júrgen Rypakovanyń jeńil atletıkaǵa sińirgen eńbegi orasan. Olga Rypakova úsh qarǵyp sekirý boıynsha 2010 jyly Horvatııada ótken qurlyqtyq týrnırde 15.25 metrge sekirip, óz rekordyn ǵana emes Azııa qurlyǵynyń rekordyn ornatqan bolatyn. Arada 8 jyl ótse de, Azııa qurlyǵynan otandasymyzdyń rekordyn jańartatyn sportshy tabylmaı tur. Rypakova álem rekordyn ornatqan ýkraınalyq Inessa Kravesten 25 sm kem sekirgen.

Sondaı-aq qazaqstandyq jeńil­atlet qyzdardyń arasynda qysqa qashyq­tyqqa júgiretin Olga Safro­nova (100 m) men Vıktorııa Zıabkı­nanyń (200 m) nátıjelerin aýyz toltyryp aıtýǵa bolady. Byltyr Úndistanda ótken Azııa chempıonatynda Safronova 100 metrge júgirý boıynsha bir kúmis, bir qola medal alsa, Zıabkına 100 jáne 200 metr qashyqtyqta qurlyq chempıony atandy. Al estafetalyq synda Vıktorııa Zıabkına, Rıma Kashafýtdınova, Merdjen Ishankýlıeva jáne Olga Safronova tórttigi qarsylastaryn shań qaptyryp, márege birinshi bolyp jetken. Djakartadaǵy Azııa oıyndarynda Vıktorııa Zıabkına, Elına Mıhına, Svetlana Golendova jáne Olga Safronova tórttigi qolaǵa qol jetkizdi. Jeke nátıje boıynsha eki sportshy da 2016 jylǵy el birinshiliginde Qazaqstan rekordyn ornatqan. Safronova 100 metrdi 11,9 sekýndta, Zıabkına 200 metrge 22,66 sekýndta júgirip ótken. 

Erler arasynda 22 jastaǵy Mı­haıl Lıtvınniń nátıjesi mamandar kóńilinen shyǵyp júr. Ol bıylǵy Azııa oıyndarynda estafetalyq jarysta qola júlde alsa, jaz aıynda Almatyda ótken el chempıonatynda 400 metr qashyqtyqty 45,50 sekýndta júgirip, Qazaqstannyń jańa rekordyn ornatty. 
Jeńil atletıka sporty kóp medal jıyntyǵy sarapqa salyna­tyn­dyǵymen ǵana emes, álem boıynsha eń kóp rekord tirkeletindigimen de jankúıerlerdiń nazaryn ózine aýdarady. Ár Olımpıada nemese álem birinshiligi kezinde qaı sportshy rekord jańartady eken dep eleńdep otyratynymyz belgili. Ádette ár jarys kezinde sportshylardyń je­ńisin jáne jeńilisinen ǵana habar­dar bolyp otyrǵanymyzben olar­dyń qandaı nátıje tirkegenin umyt qaldyryp jatamyz. Jeńil atletıkada nátıje kórsetip júrgen qazaq­standyq sportshylardyń jáne olardyń álemdegi qarsylastarynyń rekord kestesin usynamyz.

R.S. Mine búgingi jeńil atletıka sportynyń jaı-kúıi osyndaı. Kes­telerdegi nátıjege qarap-aq qazaq jeńil atletıkasynyń jaǵdaıyn bilýge bolady. Sondaı-aq chempıondyq ataqqa qol jetkizý úshin sportshylarymyzǵa biraz ter tógip, áli de eńbek etýge týra keletinin baǵamdaı berýge bolady. 

Álı BITО́RE,

«Egemen Qazaqstan»

Sońǵy jańalyqtar

Qazalyda retro-festıval ótti

Aımaqtar • Búgin, 16:58

Qarqaraly aýdanyna jańa ákim taǵaıyndaldy

Taǵaıyndaý • Búgin, 16:02

Kúlki kerýeni № 20

Rýhanııat • Keshe

Haliń qalaı, Qostanaı?

Aımaqtar • Keshe

Uqsas jańalyqtar