Qazaqstan • 12 Qarasha, 2018

Aýstrııanyń Sankt-Pıolten qalasynda Qazaqstannyń Qurmetti konsýldyǵy ashyldy

180 ret kórsetildi

Qazaqstan Respýblıkasy men Aýstrııa Respýblıkasynyń arasynda óńiraralyq baılanys ornatý jáne qarym qatynasty odan ary damytý maqsatynda Tómengi Aýstrııa federaldy jeriniń ákimshilik ortalyǵy– Sankt-Pıolten qalasynda Qazaqstan Respýblıkasynyń Qurmetti konsýldyǵynyń saltanatty ashylý rásimi ótti, dep habarlaıdy SIM baspasóz qyzmeti.

Jıynǵa óńirdiń bılik, isker jáne mádenı toptardyń, konsýldyq korpýs jáne buqaralyq aqparat quraldarynyń ókilderi qatysty. Qazaqstan Respýblıkasynyń Aýstrııa Respýblıkasyndaǵy Elshisi Qaırat Sarybaı óz sózinde Qurmetti konsýldyqtyń ashylýy ekijaqty qarym-qatynastardyń odan ári damýyna septigin tıgizetinin atap ótti.

Qazaqstan tarapy elimiz ekonomıkasynyń dıversıfıkasııasy aıasynda Tómengi Aýstrııamen yqpaldastyqty tereńdetýge múddeligin tanyta otyryp, bul óńir óziniń aǵash óńdeý, munaı - gaz, toqyma, tamaq ónerkásibi jáne jańarmaly energııa kózderin qoldanýymen tanymal bolyp otyrǵany týraly aıtyldy. Osyǵan oraı, Elshi aýstrııalyq tarapty ózara yqpaldastyqtyń ártúrli salalaryndaǵy áleýetti barynsha belsendi damytýǵa shaqyrdy.

Sondaı-aq Q.Sarybaı jańa Qurmetti konsýl Aleksandr Kısske QR konsýldyq patenti pen Qazaqstan Respýblıkasynyń týyn tabys ete otyryp, qazaqstan-aýstrııalyq yntymaqtastyqty keńeıtý jolynda sáttilik tiledi.

Aýstrııanyń «ÖWD Wachdienst security GmbH & Co KG» kompanııasynyń Dırektory Aleksandr Kıss Tómengi Aýstrııa federaldy jerinde Qazaqstannyń múddesin qorǵaý boıynsha joǵary senim artqany úshin alǵys bildirip, eki el ıgiligi úshin óziniń tájirıbesi men bilimin jumsaıtynyn atap ótti.

Sonymen qatar Qurmetti konsýldyqtyń ashylýyna oraı QR Aýstrııadaǵy Elshiligi tarapynan júrgizilip jatqan «Qazaq Injýleri – Uly Dala caryny» jobasy sheńberinde jas mýzykanttar Álııa Aqbergenova men Nıkolaı Orınınskııdiń qatysýymen konsert uıymdastyryldy.

Sońǵy jańalyqtar

Shyǵysqa qar tústi

Aımaqtar • Búgin, 22:57

Murat Áıtenov chempıondardy marapattady

Aımaqtar • Búgin, 21:48

Durys saqtaı almaǵannyń qarýy alyndy

Aımaqtar • Búgin, 18:50

Uqsas jańalyqtar