Bul qazaqstandyq júrgizýshiler úshin óte tıimdi bolmaq. О́ıtkeni jańa jyldan bastap qazirgideı qaǵaz túrindegi saqtandyrý polısin únemi alyp júrýdiń qajeti bolmaıdy. Nege deseńiz, Ákimshilik kodekske engizilgen ózgeristerge sáıkes, qaǵaz túrindegi saqtandyrý polısi talap etilmeıdi jáne onyń joqtyǵy úshin aıyppul salynbaıdy. Alaıda bul júrgizýshilerdiń azamattyq-quqyqtyq jaýapkershiligin mindetti saqtandyrý polısi endi kólik ıelerine kerek emes eken degendi bildirmeıdi. Ol burynǵysha óte qajet bolady. Tek bul halyq pen bıznes úshin saqtandyrý baǵasyn arzandatyp, saqtandyrý tólemin alýdy jeńildetý maqsatynda qoldanystaǵy úlgini elektrondy saqtandyrý polısine almastyrý deımiz. Sóıtip mindetti jáne erikti saqtandyrýdyń barlyq túri boıynsha elektrondy saqtandyrý jasasýǵa jol ashylady. Jańa jyldan keıin elektrondy saqtandyrý júıesi júzege asqan soń saqtandyrý polısi onlaın arqyly rásimdeledi. Bul qazirgi dástúrli túrdegideı saqtandyrý kompanııasyna barmaı-aq, ınternet arqyly (uıaly telefon nemese kompıýtermen) saqtandyrýshy kompanııalardan saqtandyrý polısin alýǵa qatysty málimet bilýge bolady. Sodan keıin arada saqtandyrý týraly kelisimshart jasalyp, saqtandyrý kompanııasy shotyna tapsyrys berýshiniń tólemi túsken soń, olar elektrondy saqtandyrý jasalǵany týraly málimetterdi saqtandyrýdyń biryńǵaı derekter bazasyna qosady. Derekter bazasynda jeke nemese zańdy tulǵalardyń kelisimsharty, ıaǵnı qujaty tirkelip, oǵan biregeı nómir beriledi. Mine, osy biregeı nómirli qujat elektrondy polıs dep atalady. Bul elektrondy polıs jeke adamnyń elektrondy poshtasyna da jiberiledi.
Sóıtip jańa jyldan bastap ákimshilik polısııa qyzmetkeri júrgizýshiden qaǵaz túrindegi saqtandyrý polısin talap etpeıdi. Al júrgizýshige mende elektrondy saqtandyrý polısi bar dep dáleldeýdiń qajeti joq. О́ıtkeni endi ony ákimshilik polısııa qyzmetkeriniń ózi dáleldeıdi. Sondyqtan elektrondy saqtandyrý polısin ýaqytyly talapqa saı alǵan jón. Degenmen eger talap etilse, saqtandyrýshy kompanııa júrgizýshige azamattyq-quqyqtyq jaýapkershilikti mindetti saqtandyrý týraly polıstiń qaǵaz túrindegisin de shyǵaryp bere alady. Biraq qaǵaz túrine qaraǵanda, onyń elektrondy túriniń eshýaqytta joǵalmaıtyndyǵy jáne ony eshkimge kórsetip dáleldeýdiń de kerek emestigi – artyqshylyǵy deımiz.
Aleksandr TASBOLAT,
«Egemen Qazaqstan»
