Memleket basshysy Slovakııa Premer-Mınıstriniń bul sapary memleketaralyq baılanystyrdy odan ári nyǵaıtýǵa jáne ekonomıkanyń túrli salalaryndaǵy yqpaldastyqty tereńdetýge serpin beretinin atap ótti.
«Elderimiz arasynda jaqsy qarym-qatynas ornaǵan. Saparyńyzdyń barysynda Premer-Mınıstr Baqytjan Saǵyntaevpen kezdesý ótkizdińiz. Sizben birge Qazaqstanǵa bıznes ókilderi de kelipti. Osy saparyńyz ózara baılanystarymyzdy damytýǵa jańasha jol ashady dep oılaımyn», — dedi Nursultan Nazarbaev.
P. Pellegrını elimizdiń álemde memleketaralyq dıalog ornatý isindegi mańyzdy róli jóninde aıtty.
«Qazaqstannyń halyqaralyq qatynastar salasyndaǵy bedeli zor. Kóptegen halyqaralyq máselelerdi sheshý jolyndaǵy Qazaqstannyń turaqtandyrýshy rólin joǵary baǵalaımyz», — dedi Slovakııa Respýblıkasynyń Premer-Mınıstri.
Sonymen qatar, P. Pellegrını eki memleket arasyndaǵy saýda-ekonomıkalyq qatynastardy órkendetýdiń mańyzdylyǵyn atap ótip, agroónerkásip jáne ındýstrııa sektorlarynda, kólik-logıstıka salasynda, sonyń ishinde «Bir beldeý, bir jol» bastamasynyń aıasynda yntymaqtastyqty damytýǵa múddeli ekenin aıtty.
