Tarıf kóterildi, servıs deńgeıi she?

Avtobýstardaǵy jolaqy quny óskennen keıin, bul ózgeris júr­ginshilerge kórsetiletin servıstik qyzmettiń deńgeıine de áser etýi kerek. Sonymen bir mezette qyzmet kór­setý mádenıeti men sapasyn kóterý qajet. Árıne, munyń ózi bir kún­de nemese bir-eki aıda tyndyryla qoıatyn is emes ekeni belgili. Degenmen, oblys ortalyǵynda júr­ginshilerdi tasymaldaýmen aına­ly­sa­tyn bas­ty eki qurylym – «Avtopark» pen «Jolaýshylar avto­kólik kásiporny» JShS-nyń ókilderi bul máselege búginnen bastap kóńil aý­darsa, utyl­masy anyq. Salada belgilengen tıisti normatıvter men talaptarǵa sáıkes tarıftiń kóterilgen jaǵ­daı­ynda tasymaldaýshylar qoǵamdyq kólikti GPS-trekerler sekildi zamanaýı qondyrǵylarmen jabdyqtaýy kerek. Osy arqyly qozǵalys kestesi men júrý jıiligin birshama retteýge bolady. 

Búginde júrgizýshiler men jolaý­shylar osy máselege baılanysty oryndy ókpe-renishterin bildirip júr. Redaksııamyzǵa habarlasqan turǵyndardyń aıtýynsha, qalalyq avtobýstar kóp jaǵdaıda qozǵalys kestesi men júrý aralyǵyn saqtaı bermeıdi. Ásirese, jańbyrly, laı­sań, aıazdy maý­symdarda avtobýs kútýshilerdiń shydamy taýsylady. Oblys ortalyǵynyń turǵyndary qalalyq baǵyttar boıynsha qyzmet kórsetetin avtobýstardyń merziminen erte toqtaıtynyn aıtady. 

Al qalalyq jolaýshylar kóligi jáne avtomobıl joldary bólim­i­n­iń basshysy Rýslan Tóreǵalı ár baǵyt­tyń ju­mys­yn aıaq­taıtyn tıis­ti ýaqyty bekit­il­genin jetkizdi. Bul orta­lyq kóshe­lerdegi basty baǵyttarda saǵat 22.00-ge deıin bel­gi­len­gen. Al qala mańyndaǵy aý­yl­­darǵa qatynaıtyn baǵyttarda bul ýaqyt keshki 20.00-21.00-ge eseptelgen. Degenmen, barlyq qalalyq baǵyt­taǵy avtobýstar qyzmeti aıaq­talýynyń bir ýaqytqa sáıkes kele bermeýi jolaýshylar tasqynyna, ıaǵnı onyń azdyǵy men kóptigine baılanys­ty týyndaıdy. 

Aqtóbe oblystyq avtomobıl joldary jáne jolaýshylar kóligi basqarmasynyń basshysy Aıazbaı Osmanǵalıevke habarlasqanymyzda, ol aldaǵy ýaqytta qalalyq baǵyt­tardaǵy aıaldamalarda elektrondy tablo ornatý isi qolǵa alynatynyn aıtty. Osy arqyly qoǵamdyq kólik­terdiń júrý kestesin jiti zerdelep otyr­ýǵa bolady. Qazirgi kúni jańa tehnologııa­ny engizýge qatysty tıisti tal­daýlar men ázirlik jumystary júrgizilýde. 

Búginde jolaýshylar tasymaldaý júıesinde qyzmet kórsetý mádenıetin kóterýdiń mańyzy joǵary. Bul óz kezeginde áleýmetpen qatysty qyz­metti álemdik normatıvter men standarttar júıesine birshama jaqyndata túsedi. Máselen, elektrondy bıletter júıesin engizý sııaqty qanatqaqty joba keıbir avtobýstarda qoldanyla bastady. Mundaı jaǵdaıda kondýk­torlar men júrgizýshiler bılet quny­nyń belgili bir bóligin qym­qyryp qala almaıdy. Barlyq ta­­bys jolaýshylar tasymaldaý ká­sip­oryndaryna túsedi. 

Buǵan deıingi taldaýlar oblys ortalyǵyndaǵy jáne qala mańyndaǵy baǵyttar úshin kem degende 400 avtobýs qajet ekenin kórsetedi. Búginde baǵyttarǵa shyǵyp júrgen qoǵamdyq kólikterdiń sany 300-diń ústinde. Qa­ladaǵy avtoparkterdi jańǵyrtý, ja­­ńa avtobýstar alý jón-aq. Alaıda, jolaý­shylar tasymaldaý isindegi bar­lyq túıtkil munymen sheshilmeıdi. Bul tyǵyryqtan shyǵýdyń basty jol­darynyń biri keıbir qalalyq baǵyt­tardy ońtaılandyrý bolmaq. Osy oraıda qos kásiporyn arasynda birinshisinen ekinshisine aýysyp jatqan baǵyt­tar da bar. Ońtaılandyrý isi­niń basty maqsaty, bir oramdar men kóshelerdegi baǵyt­tardyń sanyn kó­beıtýden, keı jaǵ­daılarda ony biriktirýden týyn­daıdy.

Aqtóbe qala­synda avtobýs júr­gizýshileri qat. Onyń túrli sebebi bar. Sonyń biri – júr­gizýshiler ja­laqy­synyń tómendigi. Sondyqtan tasymaldaýshy kásiporyndar az­yn-aýlaq kem­shilik­teri úshin júrgizý­shilerdi jumystan shyǵarýǵa múddeli emes. Júrgizýshiler qatarynyń kemýine qo­ǵam­dyq av­to­kólik júr­gizý quqy da áser etedi. Máselen, aldaǵy ýa­qytta D kategorııasyn ıelený úshin júrgizýshilerge kem degende úsh jyl ýaqyt qajet bolady, deıdi Aqtóbe avtoparkiniń resmı ókili Rýslan Jyl­qama­nov. Bul qadam júr­gizýshilerdiń biliktiligin kóterý jáne jolaýshylar qaýipsizdigin qamtamasyz etý maq­satynda týyndap otyr. Jal­py, tarıft­iń kóterilgeni qoǵamdyq kólik júr­gizýshileriniń jalaqy­syn qaıta qa­raý­ǵa ári ony ósirýge múmkindik ber­mek. 

Iá, Aqtóbede qoǵamdyq kólik­terdegi tarıftiń kóterilgeni júr­gizýshiler jalaqysynyń ósýine ǵana emes, sonymen birge qyzmet kórsetý sapa­­synyń jaqsarýyna da yqpalyn tıgizse ıgi.  

Temir QUSAIYN,

«Egemen Qazaqstan»

AQTО́BE