Medısına • 16 Qarasha, 2018

О́mirge qushtarlyqtyń eren úlgisi

206 retkórsetildi

Jasy otyzǵa da tolmaǵan jas kásipker Nurbolat Qa­ra­basov­tyń ómirin qaı­sar­lyqtyń, ómirge degen qush­tarlyqtyń eren úl­gisi der edik.  

Bizdiń ke­ıip­kerimiz 1989 jyly týǵan qa­zirgi Túr­­kistan oblysy, Sa­ry­aǵash aýdanynyń týmasy. Mektepti tezirek biti­rip, joǵary oqý ornyna tú­sip, ata-anama qolǵabys et­sem, bıik belesterdi ba­ǵyn­­­­dyrsam degen asqaq ar­man­­­­­dardyń jeteginde júr­gen bozbalanyń ómiri aıaq as­tynan kúrt ózgeretinin kim bil­gen?! 

Ol 2006 jyldyń 14 aq­pa­nynda kólik apatyna ushy­rap, múgedekter arbasyna­ ta­ńyldy. Alańsyz albyrt jas­tyqtyń tátti kezderin endi kóre bastaǵan shaǵynda bul oqı­ǵa oǵan úlken soqqy boldy. Keý­de omyrtqasynyń julyn ja­raqatynyń saldarynan de­nesiniń tómengi jaǵynyń to­lyq paralızasııasy dıagnozy qoıylyp, Nurbolat birinshi top­ta­ǵy múgedekter qataryna qosyl­­­dy. Ol qaı­ǵyly jaǵdaıǵa ushy­ra­ǵanda nebári 16 jasta edi. ­Dá­rigerler qoıǵan aýyr dıag­noz, arbaǵa tańylǵan taǵ­dyr... Barlyq qýanyshty kúnderi kózinen bulbul ushyp, kóz aldyn tek qara túnek basqandaı. Tepse temir úze­tin kezinde múgedekter ar­basynda otyrý aýyr tıdi, úıden shyǵa almaı, tórt qa­byrǵa ishinde mánsiz 6 jyl ómirin ótkizgen.

Nurbolat Berikbaıuly 2015 jyly Taldyqorǵan qalasynda «Asar» ońaltý or­talyǵynyń ashylǵanyn kezdeısoq estidi. Sóı­tip qaıt­­sem de eńsemdi kóterýim ke­rek dep, osy ortalyqqa ba­rýǵa sheshim qabyldaǵan. Osylaısha arman jetegine erip, Jetisý óńi­­rine bardy. Árıne bóten qa­­la­ǵa úırený jalǵyz ózine qıyn soqqany ras. Alaıda, tabı­ǵatynan aqkóńil, ózgelermen tez til tabysatyn qasıetiniń ar­qa­synda jańa ortada kóp dos­tar tapty. 10 jyl arbaǵa ta­ńyl­ǵannan keıin aldymen eń­bek­tep úırenip, keıin langet ar­qyly aıaǵymen tura bas­tady. Ońal­tý ortalyǵynda júrip qol qýsyryp otyrǵan joq. Qosymsha jumystarǵa atsalysty, qalanyń túrli qoǵamdyq is-sharalaryna qatysyp, óz azamattyq pozısııasyn bildirip, belsendilik tanytyp júredi. Qansha qıyndyqty basynan ótkizse de, bul óńirge kelgenine esh ókingen emes.

«Tas túsken jerine aýyr»­ demek­shi, Nurbolat úshin kún­de­likti qolarbamen jal­ǵyz júrý qıyn bolǵan­dyq­tan, ol ózi sııaq­ty jan­darǵa qala ishinde ózdi­ginen júrip-turýǵa, təýelsiz se­zi­nýine kó­mektesý kerek de­­gen oıǵa ke­ledi. «Er­lik» qoǵamdyq birles­ti­gin­de dıspetcherdiń kó­mek­­shisi, odan keıin «Av­tovolonterler» jo­basynda dıspetcher bolyp jumys istedi. 

2017 jyly Nurbolat Zhasproject jobasy jaıynda estıdi. Onyń kókeıinde kópten beri júrgen bir ıdeıa – múmkindigi shekteýli jan­dardyń erkin júrip-tu­rýyna múmkindik jasaý edi. Osy maqsatyna qol jetkizý úshin bıznes joba jasap, jańa jo­baǵa qatysý týraly sheshim qa­byldady. Qaısarlyǵy men eńbek­qorlyǵynyń arqa­syn­­da joba jeńimpazy atanyp, «Zhasproject» jastar korpýsyn damytý jobasy Úılestirý agenttigi tara­py­nan qajetti qarjyǵa qol jet­­­k­izdi, oıdaǵy armanyn is­ke asy­­rýǵa kiristi. Ol bul qar­jyǵa Qy­taıdan 4 elektr qondyrǵysyn satyp alady. 

– Búgingi tańda 50-den astam elektromobıl múge­dek jandarǵa erkin qatynasý múmkindigin berip otyr, demek men olardyń 10 myń sha­­­qyrym joldy qınalmaı ba­ǵyn­dyrýyna múmkindik tý­ǵyzdym degen sóz. Ádette, qara­paıym qolarbamen adamdar kúnine 5-6 shaqyrym júretinin eskersek, kúnine 30 shaqyrymdy saǵatyna 22 shaqyrym jyldam­dyqpen júrýdiń qandaı jetistik ekenin bilseńizder ǵoı! Elektrli jetek, ıaǵnı elektromobıl biz­ge buryn múmkin bolmaǵan ke­der­gilerdi baǵyndyrýǵa jol ash­ty. Biraq eń mańyzdysy jyl­damdyq emes, biz sııaqty ar­baǵa tańylǵan jandardyń tórt bólmeniń ortasynda qamalyp otyrmaı, dalaǵa óz betinshe shy­ǵyp serýendep júrýi. О́zge qatarlastary syndy qoǵammen tyǵyz qarym-qatynasta bolýdyń ózi bir baqyt. Biz de qoǵam­­­nyń tolyq múshesi retinde jumysqa aralasyp, eli­miz­diń bolashaǵy úshin eń­bek etkimiz keledi. Uly Abaı­dyń «Sen de bir kirpish dú­nıege, ketigin tap ta, bar qa­lan» dep aıtqanyndaı, men de óz eńbegim arqyly qoǵamnyń damýyna úlesimdi qossam deımin» dep oıymen bólisti Nurbolat Qa­ra­basov. Nurbolattyń aldaǵy maqsaty − jobany elimizdiń barlyq qala­larynda iske asyryp, qo­larba qoldanýshylarǵa joldaǵy kedergilerdi joıý jáne teń múmkindiktermen qamtamasyz etý. 

Nurbolattyń júreginde úmit otyn jaǵyp, onyń ómirge qaı­ta oralýyna, qoǵamnyń bir múshesine aınalýyna sebep bolǵan «Zhasproject» jobasyna qysqasha toqtalyp keteıik. Atalǵan jastar korpýsyn damytý jobasy – Halyqaralyq qaıta qurý jáne damý bankiniń jáne Bilim jáne ǵylym mınıstrliginiń birlesken jobasy. Úılestirý agenttigi jobany 2017-2020 jyldar aralyǵynda júzege asy­­­rýdy josparlap otyr. О́t­ken jyldary elimizdiń 4 aı­maǵyn Ońtústik Qazaqstan, Pav­lodar, Qaraǵandy já­ne Almaty oblystaryn qam­­­tyǵan joba 589 jobaǵa qar­jy alypty. Osylaısha

2 myńǵa tarta jas azamat óz­­deriniń áleýmettik joba­laryn júzege asyrýǵa múm­­kindik alǵan. Bıyldyń ózinde «Zhasproject» Aqtóbe, Qostanaı, Qyzylorda, Shy­ǵys jáne Soltústik Qa­zaq­­stan oblystaryndaǵy myń­nan astam jastyń keýdesinde úmit otyn jaqty. Nurbolat Qarabasov syndy taǵdyrdan soqqy alsa da ómirge degen qushtarlyǵy kópshilikke úlgi bolatyn jastardy qoldaıtyn jobalar kóp bolsa deısiń mundaıda. 

Aslan QANǴOJIN,

jýrnalıst

Sońǵy jańalyqtar

Nur-Sultanda kómir qory jetkilikti

Qazaqstan • Búgin, 15:13

21 jyl boıy qujatsyz júrgen

Aımaqtar • Búgin, 10:59

VII PR forýmy Almatyda ótti

Aımaqtar • Búgin, 10:45

Fermerdiń maýsymdyq tabysy qansha?

Aımaqtar • Búgin, 09:51

Jánibek aýdanynda et óndirý artty

Aımaqtar • Búgin, 09:26

MRT alýǵa jarty mıllıard jumsalǵan

Aımaqtar • Búgin, 09:21

Bas basylymnyń baıtaq belesi

Aımaqtar • Búgin, 09:08

Qaıta oralǵan qumarshyq

Aımaqtar • Búgin, 07:54

Termeshiler tereńnen terbedi

Ádebıet • Búgin, 07:52

Túrik kınolary tegin kórsetiledi

Qoǵam • Búgin, 07:47

«Arý» – kóz arbaǵan kórkemdik álemi

Rýhanııat • Búgin, 07:45

Haziretter qazynasy

Rýhanııat • Búgin, 07:43

«Speshranda» saqtalǵan...

Rýhanııat • Búgin, 07:26

«Tákappar eken qulja alma»

Qoǵam • Búgin, 07:23

Zań kerek!

Ekologııa • Búgin, 07:20

El qurmeti erekshe

100 • Búgin, 07:14

It júgirtip, qus saldy

Aımaqtar • Búgin, 07:12

Senim hám serpin

Rýhanııat • Búgin, 07:09

Ekologııany qorǵaýǵa adaldyq kerek

Ekologııa • Búgin, 07:03

Ǵarysh salasy jańa deńgeıge kóteriledi

Tehnologııa • Búgin, 06:38

Parasattylyq – basty nazarda

Aımaqtar • Búgin, 06:30

Hat qorjyn (14.11.2019)

Ádebıet • Búgin, 06:28

Kúrish suryptary suıylyp barady

Ekonomıka • Búgin, 06:24

Sıpaty bólek kýálik

Qoǵam • Búgin, 06:14

Altyn Adam Afınada

Qazaqstan • Keshe

Uqsas jańalyqtar