Turǵyndar aýlalaryna jınalyp, rızashylyqtaryn bildirdi. Turǵyndar atynan sóz alǵan PIK tóraıymy Dildá Jeldibaeva Danıal Kenjetaıulyna aýlalarǵa jaǵdaı jasap qana qoımaı, beınebaqylaý kameralaryn da ornatqandyqtaryn aıta ketti.
− Elbasymyz bıylǵy Joldaýynda halyqtyń ál-aýqatyn arttyrýdy tapsyryp otyr, biz bul mindetterdi oryndaýymyz qajet. Balalar oınaıtyn alańdar, keshke qaraı aqsaqaldar bas qosatyn oryndar bolýy kerek. Mine, 100 túp kóshet otyrǵyzdyq dep jatyr, bul tamasha is. Endi Semeıdiń syrtyndaǵy araldy da qalypqa keltirip, salamatty túrde demalatyn orynǵa aınaldyramyz. Beınebaqylaý kameralary bar aýlalar О́skemende de, Semeıde de bolady. Osy arqyly damyǵan elderdiń mádenıetine jetemiz, aýlalardy kóriktendirýdi jylma-jyl jalǵap otyramyz, − dedi Danıal Ahmetov.
Aıta ketý kerek, qalada alǵashqy 9 aýla jóndelýi úshin 611 mıllıon teńge qarajat qarastyrylǵan. Qazirgi ýaqytta 405 mıllıon teńge naqty 6 aýla úshin berilgen. Qalǵan úsh aýlanyń joba-smetalyq jumystary qarastyrylýda. Alda taǵy da aýlalar jóndelýi úshin qarjylar qarastyrylmaq.
− «Meniń aýlam» baǵdarlamasy 3 jylǵa negizdelgen. Osy úsh jyl ishinde qalada 62 birlesken aýlalardy jóndeý kózdelip otyr, − dedi qala ákimi Ermak Sálimov, − jóndeletin aýlalar komıssııa arqyly tańdalyp alyndy. Basty talap − aýlanyń keń aýmaǵy jáne jekemenshik PIK jetekshiligi bolýy kerek. Qarııalar otyryp demalatyn oryndyqtar, balalar oınaıtyn alańqaılar, sportpen aınalysýǵa bolatyn basketbol, voleıbol, fýtbol alańdary, aýlanyń jaryqpen qamtylýy sııaqty kóptegen mańyzdy dúnıeler osynyń ishine kiredi.
Raýshan QABJANQYZY,
«Egemen Qazaqstan»
SEMEI
