Is sharany Qazaqstan Respýblıkasynyń Germanııa Federatıvtik Respýblıkasyndaǵy Tótenshe jáne О́kiletti Elshiligi men Tuńǵysh Prezıdent – Ult kóshbasshysy Qory uıymdastyrdy.
Jıyndy Qazaqstan Respýblıkasynyń Germanııa Federatıvtik Respýblıkasyndaǵy Tótenshe jáne О́kiletti Elshisi Núsipov Bolat Turaruly ashyp berdi. Sondaı-aq is-sharaǵa Ulttyq akademııalyq kitaphanasynyń basshysy Úmithan Muńalbaeva Dáýrenbekqyzy arnaıy qatysty.
Búgingi is-sharada elbasy Nursultan Ábishuly Nazarbaevtyń táýelsizdik jyldarynda jasaǵan eńbegi jóninde áńgimeler qozǵaldy. Prezıdentimizdiń «Táýelsizdik dáýiri» atty kitabynyń nemis tilindegi nusqasynyń Berlınde tanystyrylýy – tarıhı derek retindegi tarıhı ári qundy basylymnyń qazaq eliniń mártebesin aıqyndap bermek. Bul «Rýhanı jańǵyrý» baǵdarlamasymen qatar elbasynyń «Uly dalanayń jeti qyry» maqalasy aıasynda júzege asyrylyp jatqan basty mindetterdiń biri sanalmaq. «Táýelsizdik dáýiri» kitaby sheteldik qalyń oqyrman qaýymdy qyzyqtyrar týyndynyń biri bolady degen senimdemiz.
Is-sharaǵa qatysqan Germanııanyń ataqty jýrnalıst-saıasattanýshysy Naga myrza da kitap jóninde óz oıyn bylaısha bildirdi:
- Kitap kóp aqparattarǵa toly. Qazaqstan eliniń barlyq táýelsizdik jyldaryndaǵy ómirin baıandaıdy. Kitaptyń árbir betin ashqan saıyn jańa bastamalardyń aıqyn jazylǵanyn baıqaýǵa bolady. Qazaqstan eliniń ulttyq jáne halyqaralyq deńgeıde jumys jasaǵanyn kóremiz. Kitaptyń ataýynyń ózi Elbasynyń dáýiri, ıaǵnı prezıdent dáýiri, Nazarbaev dáýiri degendi aıtyp tur,- dedi ol.
Dál osy kitap 2017 jyly jaryqqa shyqqan bolatyn. Tarıhı pýblısıstıka janrynda jazylǵan kitap elimizdiń jańa tarıhy men onyń erteńine degen nyq senimdilik pen basqan qadamynyń aıqyn kórinisi. Halqymyzdyń táýelsizdik jyldaryndaǵy ómiri men tarıhy, egemendik jolynda eńbek etip júrgen prezıdentimizdiń jarqyn isterin pash etedi.
Aıta keteıik, osy is-shara aıasynda elbasynyń nemis tiline aýdarylǵan «Uly dalanyń jeti qyry» atty maqalasy da tanystyryldy.
