Jyldaǵy dástúr boıynsha «Teńizshevroıl» JShS Almatyda jýrnalısterimen júzdesip, kompanııa qyzmetine qatysty aqparattarmen bólisip otyrady. BAQ ókilderimen ótken sońǵy kezdesýde Imer Bonner «Teńizshevroıl» JShS (TShO) bas dırektory bolyp taǵaıyndalǵany málim boldy.
2018 jyldyń 1 jeltoqsannan bastap óndiris bóliminiń bas menedjeri Imer Bonner «Teńizshevroıl» JShS-niń bas dırektory Ted Etchısondy almastyrdy.
«Teńizshevroıl» JShS-niń bas dırektory qyzmetin abyroıly atqarǵan Ted Etchıson Shevron korporasııasyndaǵy 38 jyldyq eńbek ótilinen keıin zeınetke shyǵyp otyr. Ted Indonezııa, Nıgerııa, Qazaqstan jáne AQSh-tyń túrli bıznes bólimshelerinde jobalaý, óndiris, basqarý salalarynda ár alýan basshylyq qyzmetterdi atqardy.
Buǵan deıin Bonner hanym 2015 jyldyń qarashasynan bastap TShO-nyń óndiris jónindegi bas menedjeri qyzmetin atqarǵan. Bul qyzmette ol kásiporynnyń óndiristik qyzmetiniń barlyq qyryna, ıaǵnı óndiriske, burǵylaýǵa, qaýipsizdikke, aqparattyq tehnologııalarǵa, kenish ıgerýdi normatıvtik quqyqtyq qamtamasyz etýge jáne materıaldyq-tehnıkalyq jabdyqtaýǵa jaýapty boldy.
Imer mansap jolyn Ulybrıtanııada, Soltústik teńizdegi kenishte munaıshy - ınjener retinde bastap, Ulybrıtanııada, Taılandta, Qazaqstanda, sondaı-aq Kalıfornııa shtatynyń San-Ramon qalasyndaǵy «Shevron» korporasııasynyń bas keńsesinde jaýapkershilik deńgeıi arta túsken tehnıkalyq qyzmetkerden basshylyq laýazymǵa deıin kóterildi.
Onyń Qazaqstandaǵy qyzmeti 2012-2013 jyldary «Shevron» korporasııasynyń Eýrazııa bólimshesine basqarýshy dırektordyń orynbasarlyǵynan bastalǵan. Ol bul qyzmette NOJV kompanııasynyń Ázirbaıjan men Qazaqstandaǵy qyzmetine basshylyq etti. Sondaı-aq, Imer óndiris pen qaıta ınvestısııa jasaý portfeline, óndiristi ońtaılandyrý jónindegi fýnksıonaldyq toptar qyzmetine, marketıng pen ónim ótkizýge, barlaý jumystaryna jaýap berdi.
Bunyń aldynda ol «Shevron Taıland» bólimshesi nysanynda menedjer mindetin atqaryp, úsh teńiz keshenindegi óndiriske jaýap berdi jáne de iri kúrdeli jobany tabysty júzege asyrýǵa, «Shevron» kompanııasynyń Taılandtaǵy aktıvterin ulǵaıtý úshin ınvestısııa portfelin daıyndaýǵa basshylyq etti.
Ol Belfasttaǵy Kvıns ýnıversıtetinde «Hımııa ınjeneri» mamandyǵy boıynsha bakalavr dárejesin, al Londondaǵy Imperııalyq kolledjden «Hımııa ónerkásibi tehnologııasy», «Munaı-gaz óndirisi tehnologııasy» mamandyqtary boıynsha eki magıstrlik dáreje ıelendi.
Imer Maıkl Bonner atty jubaıymen jáne eki qyzymen Atyraý qalasynda turady
Aınash ESALI,
«Egemen Qazaqstan»
ALMATY
