Is-sharany Qazaqstan Respýblıkasynyń Tuńǵysh Prezıdenti – Elbasy kitaphanasy men 2005 jyldan bastap «Balalyq shaqtan kózqaras» jobasyn júzege asyryp kele jatqan IýNESKO klýby uıymdastyrdy.
Baǵdarlama Qazaqstannyń barlyq aımaqtarynda qosymsha bilim berý uıymdaryna basa kóńil bólýge shaqyrady. Baǵdarlamanyń alǵashqy jylynda Elbasynyń kitaphanasy mýzeıiniń kórmesine Semeı, Pavlodar, Shymkent jáne Ekibastuz qalalaryndaǵy balalar kórkemsýert mektebi túlekteriniń dıplomdyq jumystary qoıyldy. Astananyń 20 jyldyǵynda «Týǵan ólkem» baǵdarlamasynyń barlyq kórmeleri elorda mereıtoıyna arnalady. Kórme nátıjesi boıynsha qazylar alqasy úzdik jumystarmen qatar, saıysqa qatysqan ár mekteptiń úzdik muǵalimin anyqtady. Tórt kórmege túrli tehnıka men janrda oryndalǵan 300-ge jýyq jumys qatysty. Olardyń úzdigi Nazarbaev ortalyǵy ǵımaratynyń qorytyndy kórmesinde usynyldy.
– «Týǵan jerim» respýblıkalyq baıqaýynyń jeńimpazdarymen Elbasy kitaphanasynda Táýelsizdik kúni qarsańynda qaýyshý – úlken qýanysh. «Balalyq shaqtan kózqaras» jobasy men «Týǵan ólkem» respýblıkalyq baǵdarlamasyn oıdaǵydaı júzege asyrýdyń da qýantarlyq jaǵdaı ekenin aıta ketken jón. Osy oraıda áriptesterimizge, ustazdar men oqýshylarǵa atqarylǵan ortaq jumys úshin úlken alǵys aıtamyz. Keler jyl jańa kezdesýler men tyń kórmelerge toly bolmaq. Daryndy jastarymyzdyń jumysy usynylǵan búgingi kórme olardyń shymyldyǵyn ashqaly otyr, – dedi Elbasy kitaphanasy dırektorynyń birinshi orynbasary Ámirhan Rahymjanov.
«Týǵan jerim» XIV Halyqaralyq balalar shyǵarmashylyǵy baıqaýynyń jeńimpazdaryna estelik syılyqtar men dıplomdardy Qazaqstannyń eńbek sińirgen mádenıet qaıratkeri Nellı Shırvına, Qazaqstannyń quraq quraý sheberleri qaýymdastyǵynyń prezıdenti Tamara Shtrosherer, Astana qalasy. Balalar kórkemsýret mektebiniń dırektory Gúlzııa Isenova, Astana Sýretshileri odaǵy basqarmasynyń tóraǵasy Januzaq Músápir tabystady.
Baıqaýdyń III dárejeli dıplomymen Alına Jalǵasqulova, Tumarhanym Sultanbek, Aıda Erkobaı, Araılym Qaırolla, Anastasııa Borovskaıa marapattaldy. II dárejeli dıplomdy Asemaı Túgelbaeva, Malıka Dýlatova, Baljan Ákimjanova, Zýlfııa Mýfe ıelendi.
I dárejeli dıplomǵa Karına Ilıahýnova, Aqjol Karaǵulov, Saǵynysh Qaırolla, Polına Holevıch ıe boldy. Baıqaýdyń basty júldesin Qymbat Tilemisova, Eva Shtrosherer, Ekaterına Krıvıleva qanjyǵasyna baılady.
Qosymsha bilim berý uıymdaryn qoldaý jónindegi «Týǵan ólkem» respýblıkalyq baǵdarlamasynyń laýreattary bolyp Zýhra Tursynbekova, Anastasııa Prokopseva, Meırash Asyltasova ataldy.
Elbasy kitaphanasy dırektorynyń birinshi orynbasary Ámirhan Rahymjanov úzdik ustazdar retinde Jeńis Muqyshev, Svetlan Reın, Qalııa Qarabaeva, Olga Astapenko, Alekseı Smırnov syndy sýretshilerdi marapattady.
Ularbek NURǴALYMULY,
«Egemen Qazaqstan»
